Maharashtra Rain : राज्यात मुसळधार पाऊस, काही भागात जनजीवन विस्कळीत

राज्यातील काही भागात पावसानं हाहाकार घातला आहे. अनेक जिल्ह्यात जोरदार पावसाने (Heavy Rain) हजेरी लावल्यानं जनजीवन विस्कळीत झाल्याचं पाहायला मिळत आहे.

नदी नाले दुथढी भरुन वाहत आहेत. तसेच रस्त्यांवर पाणी साचल्यानं वाहतुकीवर परिणाम होत आहे.

विदर्भातील काही जिल्ह्यात पूरस्थिती निर्माण झाली आहे. अनेक गावांमध्ये पाणी शिरलं आहे. तर काही भागात शेती पिकांचं देखील मोठं नुकसान झालं आहे.

मुसळधार पावसामुळं धरणांच्या पाणीसाठ्यात मोठी वाढ होत असल्याचं चिक्र दिसत आहे.

हवामान विभागानं दिल्या अंदाजानुसार आजही राज्यात मुसळधार पावसाची शक्यता आहे. कोकणासह पश्चिम महाराष्ट्रात पावसाचा ऑरेंज अलर्ट जारी करण्यात आला आहे. तर विदर्भात पावसाचा यलो अलर्ट देण्यात आला आहे.

पावसामुळं जिल्ह्यात पूरस्थिती निर्माण झाली आहे. अनेक गावांमध्ये पाणी शिरलं आहे. तर काही भागात शेती पिकांचं देखील मोठं नुकसान झालं आहे.

आज कोकणातील रायगड रत्नागिरी आणि सिंधुदुर्ग जिल्ह्यात पावसाचा ऑरेंज अलर्ट देण्यात आला आहे. तर मुंबई, पालघर आणि ठाण्यातही पावसाचा ऑरेंज अलर्ट देण्यात आला आहे.

यवतमाळच्या महागाव तालुक्यात आजपर्यंत असा पाऊस कधीच बरसला नाही. पैनगंगा नदीला पूर आला आहे. त्यामुळं अनंतवाडी गावाला पुराचा वेढा पडला आहे.

बुलढाणा जिल्ह्यातील संग्रामपूर आणि जळगाव जामोद तालुक्यात मुसळधार पाऊस झाला आहे. त्यामुळं नद्यांना पूर आला आहे. अनेक गावांमध्ये पुराचे पाणी शिरल्यानं नागरिकांमध्ये भितीचं वातावरण आहे.