Tadoba Tiger Reserve : वाघांना पकडण्यासाठी राज्यात पहिल्यांदाच खास गाडी

ताडोबा-अंधारी व्याघ्र प्रकल्पाला एक खास रेस्क्यू व्हॅन भेट देण्यात आली.

ही खास रेस्क्यू व्हॅन वाघ आणि त्यासारख्या वन्यजीवांना डार्ट मारून बेशुध्द करण्यासाठी तयार करण्यात आली आहे.

माणसांसाठी धोकादायक झालेल्या किंवा जखमी वाघांना पकडण्यासाठी आपल्या राज्यात पहिल्यांदाच अशा प्रकारची गाडी तयार करण्यात आली आहे.

वाघांना पकडतांना येणाऱ्या अडचणी लक्षात घेऊन या खास वाहनाची निर्मिती करण्यात आली आहे.

चंद्रपूर जिल्ह्यातील ताडोबा व्याघ्र प्रकल्पात आज हे वाहन दाखल झाले आहे.

प्रसिध्द उद्योजक विवेक गोयंका आणि झिता गोयंका यांनी ही गाडी तयार करण्याचा आर्थिक खर्च उचलला आहे.