Kokan Rain : मुंबई-गोवा महामार्ग ठप्प; चोळई येथे दरड कोसळली

सकाळपासूनच सुरू असणाऱ्या मुसळधार पावसामुळे कशेडी घाटातील चोळई येथे दरड कोसळली.

धोका पाहता 20 कुटुंबातील सुमारे 75 नागरिकांना सुरक्षित ठिकाणी विद्या मंदिर पोलादपुर येथे हलविले आहे.

चौपदरीकरण कामामुळे डोंगराचा कापण्यात आलेला भाग पावसामुळे दरडीचे ढिगारेच्या ढिगारे या ठिकाणी कोसळत आहे.

गावाला धोका निर्माण झाल्याचे लक्षात आले असल्याने तालुका प्रशासनाने तात्काळ घटनास्थळी धाव घेत नागरिकांना सुरक्षित ठिकाणी हलवले आहे.

परशुराम घाट आज रात्रीही बंद करण्यात येणार आहे. मुंबई गोवा महामार्ग ठप्प झाली आहे.

खारेपाटण गगनबावडा रस्त्यावर भुईबावडा घाटात दरड कोसल्याने काही काळ वाहतूक विस्कळीत झाली आहे.

जेसीबीच्या साहाय्याने सार्वजनिक बांधकाम विभागाने दरड हटवली असून वाहतूक पूर्ववत झाली आहे