Lata Mangeshkar : पंतप्रधान नरेंद्र मोदी यांनी लता दीदींना वाहिली श्रद्धांजली

लतादीदींना अखेरचा निरोप देण्यासाठी पंतप्रधान नरेंद्र मोदी मुंबईत आले होते.

शिवाजी पार्कवर नरेंद्र मोदींकडून लतादीदींना आदरांजली अर्पण करण्यात आली. यावेळी मोदींकडून मंगेशकर कुटुंबीयांचं सांत्वन करण्यात आले.

रविवारी सायंकाळी सात वााजता शिवाजी पार्क येथे शासकीय इतमामात लता दीदींवर अंत्यसंस्कार करण्यात आले आहेत.

लतादीदींना अखेरचा निरोप देण्यासाठी शिवाजी पार्क परिसरात हजारोंचा जनसागर लोटला होता.

पंतप्रधान नरेंद्र मोदी, मुख्यमंत्री उद्धव ठाकरे आणि इतर दिग्गज मान्यवर शिवाजी पार्कवर यावेळी उपस्थित होते.

लतादीदींच्या निधनाने देशात निर्माण झालेली पोकळी भरून काढता येणार नाही, असे ट्वीट पंतप्रधान नरेंद्र मोदींनी केले आहे.

पंतप्रधान नरेंद्र मोदी आणि लता मंगेशकर यांच्यात भावा-बहिणीसारखे नाते होते.