Independence Day PHOTO: स्वातंत्र्याचा उत्सव... मुंबईत मुख्यमंत्र्यांच्या तर राज्यात ठिकठिकाणी पालकमंत्र्यांच्या हस्ते ध्वजारोहण

राज्यात ठिकठिकाणी स्वातंत्र्यदिनाचा उत्साह पाहायला मिळाला. मुंबईत मुख्यमंत्र्यांच्या हस्ते तर प्रत्येक जिल्हा मुख्यालयांच्या ठिकाणी पालकमंत्र्यांच्या हस्ते ध्वजारोहण करण्यात आलं.

मुंबई मंत्रालयात मुख्यमंत्री उद्धव ठाकरे यांच्या हस्ते ध्वजारोहण करण्यात आलं.

पुणे विधानभवन येथे 75 व्या भारतीय स्वातंत्र्य दिनानिमित्त राज्यपाल भगत सिंह कोश्यारी यांच्या हस्ते ध्वजारोहणाचा कार्यक्रम पार पडला. यावेळी उपमुख्यमंत्री अजित पवार देखील उपस्थित होते.

महाराष्ट्र काँग्रेस प्रदेशाध्यक्ष नाना पटोले यांनी मुंबई येथील शासकीय निवासस्थानी आज स्वातंत्र्य दिनानिमित्त ध्वजारोहण केले.

महिला व बालविकास मंत्री यशोमती ठाकूर यांनी अमरावती जिल्हाधिकारी कार्यालयात ध्वजारोहण केले.

भारतीय स्वातंत्र्य दिनानिमित्त जिल्हाधिकारी कार्यालय अकोला येथे पालकमंत्री बच्चू कडू यांनी ध्वजारोहण केले.

मुंबई महापालिकेत महापौर किशोरी पेडणेकर यांच्या हस्ते ध्वजारोहण करण्यात आलं.

स्वातंत्र्य दिनानिमित्त आज सांगली जिल्हाधिकारी कार्यालयासमोर पालकमंत्री जयंत पाटील यांनी ध्वजारोहण करत राष्ट्रध्वजाला मानवंदना दिली.

पर्यावरण व पर्यटन मंत्री आदित्य ठाकरे यांनी मुंबई जिल्हाधिकारी कार्यालयात ध्वजारोहण केले.

स्वातंत्र्याचा 74 वा वर्धापन दिन सोहळा आज नांदेड जिल्हाधिकारी कार्यालयात पालकमंत्री अशोक चव्हाण यांच्या उपस्थितीत उत्साहामध्ये साजरा झाला.

75 व्या भारतीय स्वातंत्र्य दिनानिमित विरोधी पक्षनेते देवेंद्र फडणवीस यांनी मुंबईतील शासकीय निवासस्थानी ध्वजारोहण केले.