In Pics : महाराष्ट्र पोलीस दलाची पताका थेट माऊंट एव्हरेस्टवर; सांगलीचे सुपुत्र संभाजी गुरव यांनी गाठलं शिखर

जगातील सर्वोच्च शिखर सर करण्याचं स्वप्न अनेक गिर्यारोहक मनाशी बाळगून असतात. अशाच काही महत्त्वाकांक्षी व्यक्तींना ही संधीही मिळते.

अशीच संधी मिळालेल्या एका पोलीस निरिक्षकांवर सध्या कौतुकाचा वर्षाव होत आहे.

नवी मुंबई पोलीस आयुक्तलय येथे कार्यरत असलेले सहाय्यक पोलीस निरीक्षक आणि सांगलीचे सुपुत्र संभाजी गुरव यांनी जगातील सर्वोच्च शिखर माऊंट एव्हरेस्ट सर केले आहे.

त्यांच्या या कामगिरीमुळे महाराष्ट्र पोलीस दलाचे नाव सुवर्ण अक्षरात कोरले गेले आहे.

'Mission Everest 2021 - Respect Women' या ब्रीदवाक्यासह त्यांनी ही मोहीम फत्ते केली.