Hingoli Flood: रौद्रावतार! पुराच्या पाण्यात तरंगता संसार टाकला, लेकराबाळांना कडेवर घेत बचावपथकाकडं नागरिकांची धाव, पहा भीषण परिस्थिती..

मुसळधार पावसानं कयाधु नदीला पुराचा वेढा लागला असून हिंगोलीतील अनेक नदीकाठची गावं पाण्याखाली गेल्याचं चित्र आहे.

रात्री गळ्यापर्यंत पाणी असल्याचं नागरिकांनी रात्रीतून घराच्या पत्र्यावर, छतावर धाव घेतली. अनेक नागरिक पूरात अडकले होते.

बचाव पथक दिसताच तरंगता संसार उघड्यावर टाकून, लेकरंबाळं उचलून घेत नागरिकांनी गुडघाभर पाण्यातून वाट काढली.

हिंगोली 54 लोकांना रेस्क्यू केलं तर 218 लोकांना सुरक्षित स्थळी हलवलं.

पुराचा वेढा पडल्यानं शेतं पाण्याखाली गेली असून कष्ट पाण्यात जाण्याचा अनुभव हिंगोलीतील शेतकऱ्यांसह नागरिक घेत आहेत.