Independence Day : स्वातंत्र्य दिनाच्या पूर्वसंध्येला राज्यातील सरकारी इमारती, धरणांवर तिरंगा विद्युत रोषणाई; पाहा फोटो

मुंबई महापालिकेच्या मुख्यालयावर आकर्षक विद्युत रोषणाई करण्यात आली आहे. त्याशिवाय, या इमारतीवर महापुरुषांच्या प्रतिमा दाखवल्या जात असल्याने डोळ्याचं पारणं फेडलं गेलं.

तर स्वातंत्र्य दिनाच्या पूर्व संध्येला 'तिरंगा'ची विद्युत रोषणाई पवना धरणाच्या सांडव्याला करण्यात आली आहे.

संपूर्ण मावळसह पिंपरी-चिंचवडला पाणी पुरवठा करणाऱ्या पवना धरणाच्या सांडव्यावरून पाणी सोडण्यात आले आहे.

मुंबई शेअर बाजाराच्या इमारतीवर विद्युत रोषणाई करण्यात आली.

सिंधुदुर्ग जिल्ह्यातील तिलारी धरणाला आकर्षक रोषणाई करण्यात आली आहे.

तिरंग्याच्या रंगात आकर्षक विद्युत रोषणाईत तिलारी धरणाचा परिसर उजळून गेला आहे.

राज्यातील महत्त्वाचे धरण असलेल्या कोयना धरणावर आकर्षक विद्युत रोषणाई करण्यात आली आहे.

डोळ्याचे पारणं फेडणारी ही दृष्ये आहेत.

अकोला शहराचं वैभव आणि ओळख असलेलं 'सुंदराबाई खंडेलवाल टॉवर' तिरंगाच्या रंगात न्हाऊन निघालंय. महापालिकेने ही रोषणाई केली आहे.

ठाणे जिल्ह्यातील बदलापूर येथील बारवी धरणावर तिरंगी आकर्षक रोषणाई करण्यात आली आहे. बारवी धरणाचे अकरा स्वयंचलित दरवाजे असून या अकराही दरवाज्यातून पाण्याचा विसर्ग होत असून आकर्षक दृष्य दिसत आहे.

स्वातंत्र्य दिनाच्या पार्श्वभूमीवर नाशिक महानगरपालिकाची मुख्य इमारत राजीव गांधी भवनला आकर्षक विद्युत रोषणाई करण्यात आली आहे. विद्युत रोषणाईने महापालिकाची इमारत उजळून निघाली.