Mahashivratri: दक्षिण कोकणची काशी म्हणून प्रसिद्ध असलेल्या कुणकेश्वर मंदिरात देवगड हापुसची आरास!

दक्षिण कोकणची काशी अशी संपूर्ण कोकणासह राज्यात ख्याती असलेल्या सिंधुदुर्ग जिल्ह्यातील कुणकेश्वर मंदिर.

हे पांडवकालीन कुणकेश्वर मंदिर सिंधुदुर्ग जिल्ह्यातील देवगड मधील समुद्र किनारी वसलेलं आहे.

कुणकेश्वर मंदिरात महाशिवरात्री निमित्ताने यात्रा उत्सवाला सुरवात झाली आहे.

महाशिवरात्रीच्या काळात कुणकेश्वर येथे तीन दिवस जत्रा भरते.

आठ ते दहा लाख भक्तांची मांदियाळी याठिकाणी पाहायला मिळते.

काशी येथे 108 शिवलिंगे आहेत तर कुणकेश्‍वर येथे 107 शिवलिंगे आहेत.

मात्र हि शिवलिंगे समुदाच्या काठावर असल्यामुळे ही ओहोटीच्या वेळीच पाहायला मिळतात.

या मंदिराच्या मागे असलेल्या शिवलिंगांमुळेच या स्थानाला कोकणची काशी असे संबोधले जाते.

कुणकेश्‍वराचे स्थान इ.स. 11 व्या शतकापूर्वी पासून प्रसिद्धी आहे.

350 वर्षांपूर्वी छत्रपती शिवाजी महाराज हे प्रत्यक्ष कुणकेश्वर मंदिरातही येऊन गेल्याची माहिती स्थानिक सांगतात.

कुणकेश्वर मंदिराचा परिसर आकर्षक फुलांनी सजविला आहे. तसेच शंकराची पिंडीही फुलांनी सजविली आहे.

आकर्षक विद्युत रोषणाईने कुणकेश्वर मंदिर परिसर सजून गेला आहे.

जगप्रसिद्ध देवगड हापुसची आरास देखील यावेळी कुणकेश्वर मंदिरात करण्यात आली.

रात्रीपासून मंदिरात दर्शनासाठी भाविकांची मोठी गर्दी मंदिर परिसर आहे.