बोलावा विठ्ठल, पहावा विठ्ठल... दिवाळीनिमित्त विठुरायाची राऊळी सजली, आकर्षक फुलांची सजावट

1

आज अश्विन अमावस्या अर्थात नरक चतुर्दशी आणि लक्ष्मीपूजन.

2

दिवाळीच्या निमित्तानं विठ्ठल मंदिराला बीडच्या एका विठ्ठल भक्ताकडून आकर्षक फुलांची सजावट करण्यात आली आहे.

3

आज दिवाळीची पहिली अंघोळ म्हणजेच, नरकचतुर्दशी असल्यानं आजपासून विठुरायाची दिवाळी देखील सुरु झाली आहे.

4

आज बीड येथील विठ्ठल भक्त करण हनुमंत पिंगळे यांनी ही आकर्षक फुलं सजावटीची सेवा अर्पण केली आहे.

5

या फुल सजावटीसाठी झेंडू, शेवंती, गुलछडी, विविध रंगीबेरंगी गुलाब, अँथेरियम, ऑर्केड, कामिनी, तुळस यांचा वापर करण्यात आला आहे.

6

या सजावटीमध्ये फुलांचे पडदे, फुलांच्या पायघड्या, फुलांचे आकाशदिवे आणि पणत्या बनविण्यात आले आहेत.

7

विठ्ठल रुक्मिणी गाभारा, चौखांबी, सोळखांबी या ठिकाणी ही फुलांची आकर्षक सजावट केली आहे.

8

विठ्ठल मंदिर फुलांच्या गंधानं दरवळून निघालं आहे.

9