Indian Dairy Festival In Kolhapur : कोल्हापूर दूध उत्पादनातही देशाच्या नकाशावर आणणार; दूध परिषदेत चेतन नरकेंची ग्वाही

कोल्हापूर दूध उत्पादनातही देशाच्या नकाशावर आणणार असल्याचे मत गोकुळचे संचालक डॉ. चेतन नरके यांनी व्यक्त केले.

तीन दिवसापासून सुरु असणाऱ्या डेअरी एक्स्पो 2023 प्रदर्शनाच्या सांगता समारंभाप्रसंगी ते बोलत होते.

गेल्या तीन दिवसात इंडियन डेअरी फेस्टीव्हल आणि प्रदर्शनाला सुमारे दोन लाख लोकांनी भेट दिली असल्याचे नरके यांनी सांगितले.

यावेळी झालेल्या लकी ड्रॉमध्ये जयसिंगपूर येथील विशाल पोवार यांना प्रथम क्रमांकाची म्हैस हे बक्षीस जाहीर झाले.

भविष्यात कोल्हापूर जिल्हा हा सकस आणि दूधाचा जिल्हा म्हणून देशाचा नकाशावर आणण्यासाठी प्रयत्न केला जाईल, असे चेतन नरके यांनी सांगितले.

भविष्यात शेतकऱ्यांसाठी आणि दूध उत्पादकांसाठी चांगली माहिती आणि उत्पादनासाठी नेहमीच प्रयत्नशील राहणार असल्याचे त्यांनी सांगितले.

शंभरहून अधिक स्टॉलला लोकांना चांगला प्रतिसाद दिल्याचे त्यांनी सांगितले.

या दूध परिषदेला सर्वच पक्षाच्या नेते, पदाधिकारी व कार्यकर्त्यांनी भेट देत कौतुक केल्याचे ते म्हणाले.

दरम्यान, द्वितीय चाफकटर बक्षीस गौरी निषाद (मंगळवार पेठ, कोल्हापूर) आणि तृतीय क्रमांकाचे मिल्किंग मशीन शिवानंद सरदार (सुळकूड) यांना मिळाले.

प्रदर्शनात सहभागी झालेल्यांकडून कुपन घेण्यात आले होते. त्यानुसार लकी ड्राॅने विजेते काढण्यात आले.