Mumbai-Nashik Accident: भरधाव ट्रक आला अन्... गाड्यांचा चुरडा; मुंबई-नाशिक महामार्गावर विचित्र अपघात

Mumbai-Nashik Accident News: मुंबई-नाशिक महामार्गावर भिवंडीजवळ भीषण अपघात झालाय.

या अपघातात दोन जण जखमी झाल्याची घटना घडली आहे. त्यांना स्थानिक रूग्णालयात दाखल करण्यात आलंय.

मुंबई नाशिक महामार्गावरील पिंपलास फाट्याजवळ एका भरधाव ट्रकनं पाच ते सहा वाहनांना जोरदार धडक दिली.

मुंबई नाशिक महामार्गावर पिपलास फाट्याजवळ सार्वजनिक बांधकाम विभागाच्या वतीनं महामार्गावर झेब्रा क्रॉसिंगचं काम सुरू होतं.

नाशिकच्या दिशेने जाणाऱ्या अनेक वाहनांनी आपल्या वाहनाची गती मंद केली होती. परंतु, तेवढ्यात मागून भरधाव वेगात येणाऱ्या एका ट्रकनं पुढच्या पाच ते सहा चारचाकी वाहनांना जोरदार धडक दिली.

भरधाव ट्रकनं दिलेल्या धडकेमुळेच हा अपघात झाला. धडक दिल्यानंतर ट्रक पसार झाला.

या अपघातात एका गाडीतील दोन जण जखमी झाल्याची घटना घडली आहे.

अपघात भीषण असला तरी सुदैवानं या दुर्घटनेमध्ये कोणतीही जीवितहानी झालेली नाही.