कोल्हापूर : लोकराजा राजर्षी छत्रपती शाहू महाराजांना जयंतीदिनी मान्यवरांकडून अभिवादन

लोकराजा राजर्षी छत्रपती शाहू महाराज यांच्या 149 व्या जयंतीदिनी कोल्हापुरात विविध उपक्रमांचे आयोजन करण्यात आलं आहे.

आमदार ऋतुराज पाटील यांनी कोल्हापुरातील कसबा बावडा चौगले गल्ली येथील 11 नंबर शाळा येथे पुष्पहार अर्पण करून अभिवादन केले.

दसरा चौकात राजर्षी शाहू महाराजांना अभिवादन करण्यात आले. शहरातील दसरा चौकात श्रीमंत छत्रपती शाहू महाराज, पालकमंत्री दीपक केसरकर, मंत्री चंद्रकांत पाटील, आमदार सतेज पाटील, माजी आमदार मालोजीराजे छत्रपती, आमदार जयश्री जाधव, आमदार जयंत आसगावकर, आमदार प्रकाश आवाडे, आमदार ऋतुराज पाटील, शहाजीराजे यांच्यासह सर्वपक्षीय लोकप्रतिनिधी, प्रमुख शासकीय अधिकारी, विविध संघटनांचे पदाधिकारी उपस्थित होते.

कोल्हापूर जिल्ह्याचे पालकमंत्री दीपक केसरकर यांनी राजर्षी शाहू महाराजांचे जन्मस्थळ 'लक्ष्मी विलास पॅलेस' येथील राजर्षी शाहू महाराजांच्या प्रतिमेला पुष्पहार अर्पण करुन अभिवादन केले.

भाजप ग्रामीण जिल्हाध्यक्ष समरजितसिंह घाटगे यांनी कागल येथील श्री छत्रपती शाहू सहकारी साखर कारखाना कार्यस्थळावर राजर्षी छत्रपती शाहू महाराज यांच्या पुतळ्यास पुष्पहार अर्पण करून विनम्र अभिवादन केले.

लक्ष्मी विलास पॅलेसमध्ये आमदार सतेज पाटील यांनी पालकमंत्री दीपक केसरकर यांच्याशी विविध मुद्यांवर चर्चा केली.

लक्ष्मी विलास पॅलेसमध्ये उच्च व तंत्र शिक्षण मंत्री चंद्रकांत पाटील यांनीही राजर्षी शाहू महाराजांच्या प्रतिमेला पुष्पहार अर्पण करुन अभिवादन केले.

कसबा बावडा येथील शाहू जन्मस्थळावर आमदार सतेज पाटील यांनी राजर्षी छत्रपती शाहू महाराजांना अभिवादन केले.

खासदार धनंजय महाडिक यांनीही अभिवादन केले.

दरम्यान, रविवारी कोल्हापूर शहराच्या प्रमुख मार्गावरुन निघालेल्या या यात्रेमध्ये हजारो नागरिकांनी सहभागी झाले आणि सामाजिक ऐक्याचा नारा बुलंद केला.

श्रीमंत शाहू महाराज छत्रपती यांनी या सद्भावना रॅलीचे नेतृत्व केले.