कोल्हापूर : भुदरगड तालुक्यातील मेघोली तलाव पुर्नबांधणीचे काम सुरु

कोल्हापूर जिल्ह्यातील भुदरगड तालुक्यातील मेघोली लघु पाटबंधारे प्रकल्प पुर्नबांधणीचा शुभारंभ करण्यात आला आहे.

तलावाच्या पुर्नबांधणीसाठी 41 कोटी 64 लाख रुपयांचा निधी मंजूर झाला आहे.

कामाचा शुभारंभ खासदार संजय मंडलिक यांच्या प्रमुख उपस्थितीत झाला.

सप्टेंबर 2021 मध्ये मेघोली तलावाचा बांध फुटून भुदरगड तालुक्यातील मेघोली, नवले, तळकरवाडी, वेंगरुळ, सोनुर्ली, ममदापूर आदी गावातील शेतीचे मोठ्या प्रमाणात नुकसान झाले होते.

पिण्याच्या पाण्याचाही प्रश्न निर्माण झाला होता. त्यामुळे या प्रकल्पाची पुर्नबांधणी करण्यात येत आहे.

लघू पाटबंधारे तलाव दीड वर्षांपूर्वी फुटल्याने शेतात, शेतातील घरांमध्ये तसेच गोठ्यात पाणी घुसले होते.

प्रकल्प फुटल्याची माहिती मिळताच लोकांनी घरातून पळ काढला होता.

धरण फुटल्याने गेल्यावर्षी पीक वाया गेले आहे.

मेघोली परिसरातील सर्व शेतजमीन ही कोरडवाहू आहे.

1995 मध्ये हा प्रकल्प बांधण्यास प्रशासकीय मंजुरी मिळाली होती. त्या वेळी सुमारे आठ कोटी 47 लाख रुपये खर्च झाला होता.