Jalna Accident: गाडीला पिकअपची धडक, पती भांडण्यासाठी खाली उतरताच कारनं घेतला पेट; पत्नीचा होरपळून मृत्यू

जालना जिल्ह्यातील तळणी फाटा येथे अपघातानंतर कारनं पेट घेतल्यानं एका 33 वर्षीय महिलेचा जळून अक्षरशः कोळसा झाल्याची घटना घडली आहे.

आज पहाटे 4 च्या सुमारास पती-पत्नी दर्शनासाठी शेगाव येथून गावाकडे परत येत होते.

रस्त्यातच स्विफ्ट कारला मागून एका पीकअपनं धडक दिली.

पिकअप वाल्याशी भांडायला पती रागातच गाडीतून उतरला आणि तेवढ्यात गाडीनं पेट घेतला.

या अपघातानंतर पती गाडीतून खाली उतरताच कारनं अचानक पेट घेतला.

क्षणार्धातच आगीनं संपूर्ण कार जळाली. आग लागली तेव्हा पत्नी गाडीत होती, वेळत आगीवर नियंत्रण मिळवता न आल्यानं स्थानिक पोलिसांना बोलवण्यात आलं.

पोलिसांनी आग विझवण्याचा प्रयत्न केला. मात्र तोपर्यंत कारमधील सविता सोळुंके या 33 वर्षीय महिलेचा जागीच मृत्यू झाला होता.

सदर घटनेची माहिती मयत महिलेच्या पतीच्या भावानं पोलिसांना दिली.

या प्रकरणी मृतदेह पोस्टमार्टमसाठी पाठवण्यात आला असून पोलीस वेगवेगळ्या अँगलनं तपास करत आहेत.