Jalgaon Accident : कुत्र्याला वाचविण्याच्या प्रयत्नात कारचा भीषण अपघात; तीनजण गंभीर जखमी; भुसावळमधील घटना, पाहा फोटो

कुत्र्याला वाचवण्याच्या प्रयत्नात कार ट्रकवर धडकल्याने तीन जण गंभीर जखमी झाल्याची घटना घडली आहे.

जळगाव जिल्ह्यातील भुसावळ तालुक्यात ही धक्कादायक घटना घडली आहे.

भुसावळ ते मुंबई नागपूर राष्ट्रीय महामार्गावर कुत्र्याला वाचवण्याच्या प्रयत्नात चालकाचे कारवरचे नियंत्रण सुटले.

या भरधाव कारने महामार्गावर उभ्या असलेल्या ट्रकला जोरात धडक दिली.

या भीषण अपघातात तीन जण गंभीर जखमी झाले आहेत.

घटनास्थळी स्थानिकांनी मदत कार्य करत जखमींना तातडीने गोदावरी वैद्यकीय महाविद्यालयात दाखल केले.

अपघातात जखमी झालेल्यांची प्रकृती ही चिंताजनक असल्याची माहिती देखील समोर आहे. महामार्गावर अवैधपणे उभे असलेल्या ट्रक आणि इतर वाहनांमुळे अपघातात वाढ होत असल्याचा आरोप होत आहे.