Premium Bikes Launched In 2023 :'या' पाच प्रीमियम बाईक्सने गाजवलं 2023 वर्ष!

1. ट्रायम्फ स्पीड 400/100 स्क्रॅम्बलर 400एक्स (Triumph Speed 400/100 Scrambler 400X) ब्रिटीश बाइक निर्माता कंपनी ट्रायम्फने बजाज ऑटोच्या सहकार्याने या दोन्ही बाईक भारतीय ग्राहकांसाठी यंदा अतिशय कमी किंमतीत सादर केल्या आहेत. या दोन्ही बाईक भारतातील कंपनीची सर्वात स्वस्त बाईक म्हणून लाँच करण्यात आल्या होत्या. स्पीड 400 आणि स्क्रॅम्बलर 400 एक्स त्यांच्या परफॉर्मन्स आणि क्वालिटीमुळे लोकांना खूप आवडतात. दोन्ही बाईकचा लूकही खूप चकाचक आहे. ट्रायम्फच्या या दोन्ही बाइक्समध्ये 398 सीसी सिंगल सिलिंडर इंजिन आहे जे 8,000 आरपीएमवर 40 बीएचपीपॉवर आणि 6,500 आरपीएमवर 37.5 एनएम टॉर्क आउटपुट जनरेट करते. ट्रायम्फ स्पीड 400 ची किंमत 2.33 लाख रुपयांपासून (एक्स-शोरूम) सुरू होते. photo credit :triumphmotorcycles

2. हिरो करीझमा एक्सएमएआर (XMAR in Hero Curry) : बाजारातून जवळपास बाहेर पडलेली बाईक हिरो करीझमाने 2023 मध्ये पुन्हा एकदा युटर्न घेतला आहे. नवीन करिझमाला फुल बॉडी फेअरिंगसह शार्प डिझाइन देण्यात आले आहे. बाईकमध्ये केलेले प्रीमियम डिटेलिंग खूपच आकर्षक आहे, तसेच यात पूर्णपणे नवीन इंजिन बसवण्यात आले आहे. नवीन हिरो करीझ्मामध्ये 210 सीसी, सिंगल सिलिंडर इंजिन आहे जे 25.5 बीएचपी पॉवर आणि 20.4 एनएम टॉर्क जनरेट करते. करीझमा एक्सएमएआरची एक्स शोरूम किंमत 1.80 लाख रुपये आहे. photo credit ::motorcyclesKarizmaXM

केटीएम 390 ड्यूक (KTM 390 Duke) : नवीन केटीएम ड्यूक 390 त्याच्या मागील मॉडेलप्रमाणेच नवे फिचर्स आहेत परंतु त्याचे डिझाइन आता अधिक दमदार झाले आहे. या बाईकमध्ये नवीन 399 सीसी इंजिन आहे जे 45 बीएचपी पॉवर आणि 39 एनएम टॉर्क जनरेट करते. केटीएम 390 ड्यूक ही किंमत सेगमेंटमधील सर्वात पॉवरफुल बाईक आहे. याची एक्स शोरूम किंमत 3.11 लाख रुपये आहे. photo credit :ktm-bikesduke

4. टीव्हीएस अपाचे आरटीआर 310 (TVS Apache RTR 310) : टीव्हीएसची नेकेड फ्लॅगशिप बाईक अपाचे आरटीआर 310 केवळ देशातच नाही तर जगभरात बरीच चर्चेत आहे. त्याची स्टाईलिंग आणि अनोखी फिचर्स हे त्याचे सर्वात मोठे आकर्षण आहे. या बाईकमध्ये 312.12 सीसीलिक्विड कूल्ड, सिंगल सिलिंडर इंजिन आहे, जे 35 बीएचपीपॉवर आणि 28.7 एनएम टॉर्क जनरेट करते. अपाचे आरटीआरची एक्स-शोरूम किंमत 2.43 लाख ते 2.64 लाख रुपयांदरम्यान आहे. photo credit: tvs-apache

5. हार्ले-डेव्हिडसन एक्स 440 (Harley-Davidson X440): ट्रायम्फ स्पीड 400च्या स्पर्धेत ही बाईक लाँच करण्यात आली आहे. एक्स 440 ही भारतीय बाजारपेठेतील कंपनीची सर्वात परवडणारी बाईक आहे. हार्ले-डेव्हिडसन एक्स 440 मध्ये 440 सीसीलिक्विड कूल्ड, 2-व्हॉल्व्ह इंजिन आहे जे 27.37 बीएचपी पॉवर आणि 38 एनएम टॉर्क जनरेट करते. या बाईकची एक्स-शोरूम किंमत 2.40 लाख रुपयांपासून सुरू होते. photo credit: harley-davidson