Photo : G23 च्या बैठकीनंतर सोनिया गांधी आणि गुलाम नबी आझादांची भेट होणार

जी 23 गटाची काँग्रेसचे वरिष्ठ नेते गुलाम नबी आझाद यांच्या दिल्लीतील निवासस्थानी एक बैठक झाली. या बैठकीत काँग्रेसचे अनेक वरिष्ठ नेते उपस्थित होते.

या बैठकीनंतर आता गुलाम नबी आझाद आणि सोनिया गांधी यांची बैठक होऊ शकते.

सूत्रांनी सांगितलेल्या माहितीनुसार, या बैठकीमध्ये राहुल गांधी आणि प्रियंका गांधी उपस्थित असू शकतात.

काँग्रेसमध्ये संघटनात्मक पातळीवर नवे फेरबदल करण्यात यावेत अशी मागणी जी 23 गटाकडून करण्यात येत आहे.

जी 23 गटाच्या बैठकीत जो काही निर्णय झाला आहे त्यावर अंतिम निर्णय हा सोनिया गांधी आणि गुलाम नबी आझादांच्या बैठकीत होणार आहे.

गुलाम नबी आझाद, कपिल सिब्बल, शशी थरुर, मनिष तिवारी, आनंद शर्मा, पीजे कुरियन, भूपेंद्र सिंह हुडा यांच्यासह अनेक वरिष्ठ नेते उपस्थित होते.

या गटाकडून सातत्याने बैठका घेण्यात येत असून काँग्रेसमध्ये फूट पाडण्याचा त्यांचा डाव आहे असा आरोप काँग्रेस नेते मल्लिकार्जुन खर्गे यांनी केला आहे.

काँग्रेसच्या सध्याच्या नेतृत्वाला एक प्रकारचे आव्हान या गटाकडून देण्यात येत असल्याचं सांगण्यात येतंय.