PHOTO : बुलढाण्यातील संग्रामपूरमध्ये वादळ आणि पावसामुळे 60 ते 70 घरांवरील छप्पर उडाले, अनेकांचे संसार उघड्यावर

बुलढाणा जिल्ह्यातील संग्रामपूर जळगाव जामोद शेगाव परिसरात काल दुपारी वादळी वाऱ्यासह तुफान अवकाळी पावसाने हजेरी लावली.

जवळपास तीन तास या परिसरात वादळी वाऱ्याने आणि पावसाने धुमाकूळ घातला.

यामुळे संग्रामपूर परिसरात हाहाकार माजला

सायंकाळी साडेपाचच्या सुमारास आलेल्या चक्रीवादळाने संग्रामपूर गावातील जवळपास 60 ते 70 घरावरील छपरे उडून गेली.

यात मातीचे कौले सुद्धा उडून गेले.

त्यामुळे या सर्व नागरिकांना रात्रभर उघड्यावर रात्र काढण्याची वेळ आली.

मात्र प्रशासनाने अद्यापही याची दखल घेतली नसल्याने नागरिक संतप्त आहेत.

नागरिकांना पावसात रात्रभर उघड्यावर रात्र काढावे लागले.

अनेकांची तीन पत्रे एक ते दीड किलोमीटर पर्यंत उडून गेल्याचे प्रत्यक्षदर्शींनी सांगितले आहे