Photo Story: राज-फडणवीसांनंतर उद्धव ठाकरेंची सभा गाजणार; अशी सुरु आहे तयारी...

मुख्यमंत्री उद्धव ठाकरे यांची जाहीर सभा औरंगाबादच्या सांस्कृतिक मंडळाच्या मैदानावर 8 जून रोजी पार पडणार आहे. त्यासाठी शिवसेनेकडून जोरदार तयारी सुरु आहे.

बुधवारी सकाळी शिवसेनेचे जेष्ठ नेते चंद्रकांत खैरे आणि आमदार अंबादास दानवे यांच्या उपस्थित सांस्कृतिक मंडळाच्या मैदानावर स्तंभपूजन करून पूजा करण्यात आली.

मराठवाड्यातील शिवसेनेची पहिला शाखा औरंगाबादेत 8 जून 1985 रोजी स्थापन झाली. या शाखेच्या 37 व्या वर्धापन दिनाचे औचित्य साधून मुख्यमंत्री उद्धव ठाकरे यांच्या सभेचे आयोजन करण्यात आले आहे.

गेल्या महिन्यात मनसे प्रमुख राज ठाकरे यांची विराट सभा याच मैदानावर झाली होती. आता उद्धव ठाकरे सुद्धा त्याच मैदानावर सभा घेणार आहे.

यावेळी मुख्यमंत्री उद्धव ठाकरेंची सभा आम्हाला मिळाली आहे. त्यामुळे जिल्ह्यातील पंधराशे शाखांची बैठक घेण्यात आली: अंबादास दानवे

हवेच्या बळावर आम्ही चालत नाही, कुणाच्या मदतीच्या बळावर चालत नाही, दोन पैसे देऊन आम्हाला लोकं गोळा करायची गरज पडत नाही, असा टोला दानवे यांनी मनसेला नाव न घेता लगावला.