Photo: आमदार शिरसाटांच्या कार्यालयात आता उद्धव ठाकरेंच्या जागी मुख्यमंत्री शिंदेंचा फोटो

बंडखोर आमदारांनी आपल्या कार्यालयात माजी मुख्यमंत्री तथा शिवसेना पक्षप्रमुख उद्धव ठाकरे यांचा फोटो काढायला सुरवात केली आहे.

याची सुरवात औरंगाबाद पश्चिमचे आमदार संजय शिरसाट यांच्यापासून झाली आहे.

शिवसेनाप्रमुख बाळासाहेब ठाकरे यांचा फोटो मात्र कायम आहे.

शिरसाट यांनी आपल्या कार्यालयातील उद्धव ठाकरे आणि आदित्य ठाकरे यांचे फोटो काढून टाकले आहे.

बाळासाहेब यांच्या फोटोच्या बाजूला आणखी एक फोटो लावण्यात आला असून, तो आनंद दिघे यांचा आहे.

शिवसेना पक्षप्रमुख उद्धव ठाकरे यांच्या जागी आता मुख्यमंत्री एकनाथ शिंदे यांचे फोटो लावण्यात आला आहे.

जे लोकं रोजच आम्हाला गद्दार, बंडखोर म्हणतात त्यांचे फोटो कसे लावणार?,असे शिरसाट म्हणाले आहे.