Photo: मोसंबीला गळती लागल्याने बळिराजा संकटात

सततच्या पावसाचा फटका आता मोसंबी उत्पादक शेतकऱ्यांनाही बसत आहे.

अधिकच्या पावसामुळे जिवापाड जोपासलेल्या मोसंबीच्या बागांना फळगळती लागलीय.

बागा आता आंबा व मृग बहाराने लगडल्या असून फळ परिपक्व होण्याच्या उंबरठ्यावर आहे.

मात्र, महिन्याभरापासून फळांना मोठ्या प्रमाणात गळती सुरु झाल्याने मोसंबी उत्पादक संकटात सापडला आहे.

आंबा बहाराची फळे उतरविण्यासाठी महिनाभराचा तर मृग बहाराची फळे उतरविण्यासाठी पाच महिन्याचा कालावधी आहे.

व्यापारी वर्ग बागांतील फळगळती पाहून उक्ते सौदे टाळत असून टनाप्रमाणे बोली करीत आहे.

तर शेतकरी फळगळतीची धास्ती घेऊन बागा तोट्याने विक्री करीत असल्याचे चित्र पाहायला मिळत आहे.

अशीच काही परिस्थिती औरंगाबाद पैठण तालुक्यातील पाचोड भागात पाहायला मिळत आहे.