औरंगाबादच्या सिटी बससेवेला चार वर्षे पूर्ण; महिलांना मिळणार महत्वाच 'गिफ्ट'

या निमित्ताने बससेवेचा चौथा वर्धापन दिन साजरा करण्यात येणार आहे.

सोमवारी सकाळी 9 वाजता मुकुंदवाडी बसडेपो येथे एका कार्यक्रमाचे आयोजन करण्यात आले आहे.

दरम्यान यावेळी महिलांसाठी विशेष बस (Women Special Bus) सेवा सुरू करण्याची घोषणा केली जाणार आहे.

तर गेल्या चार वर्षात आतापर्यंत दीड कोटी नागरिकांनी शहर बसमधून प्रवास केला आहे.

सध्या 80 बस शहरातील विविध मार्गांवर धावत आहेत.

या काळात 150 बस स्थानक, ई-तिकीट स्मार्ट कार्ड व अन्य सेवेचाही लाभ नागरिकांना मिळत आहे.

शहर बससेवेचा एक महत्त्वाचा भाग म्हणून जाधववाडी परिसरात नवीन बसडेपो बांधण्यात येत आहे.

तसेच सिटी बस सेवेच्या पाचव्या वर्षी औरंगाबाद स्मार्ट सिटीतर्फे 35 इलेक्ट्रिक बसेस सुरू करण्यात येणार आहे.