PHOTO: निवडणूकीत पराभव, विरोधकांनी उद्धवस्त केली शेतकऱ्याची पपईची बाग

करोडी परिसरातील रामभाऊ धोंडिबा दवंडे यांनी एका एकर जमिनीमध्ये 700 झाडांची पपईची बाग लावली होती.

मात्र अज्ञाताने रात्रीच्या सुमारास परिपक्व झालेली जवळजवळ साडेतीनशे पपईची झाडे तोडून टाकली.

गुरुवारी सकाळी रामभाऊ शेतात गेल्यावर हा सर्व प्रकार उघडकीस आला.

यात रामभाऊ दवंडे यांचे जवळपास दोन ते तीन लाखांचे नुकसान झाले.

करोडी ग्रामपंचायतीच्या नुकत्याच झालेल्या निवडणुकीत त्यांची सून सोनाली दवंडे या वॉर्ड क्रमांक 1 मधून निवडणुकीत उतरल्या होत्या.

तर निवडणुकीत त्यांचा विजय झाला आणि निकालानंतर दुसऱ्याच दिवशी त्यांच्या शेतातील पपईची बाग तोडून फेकण्यात आली आहे.

याप्रकरणी दौलताबाद पोलिस ठाण्यात गुन्हा दाखल करण्यात आला आहे.