भिवंडीतील ओवळी गावात भंगाराच्या गोदामाला भीषण आग; चार ते पाच गोदाम आगीत भस्मसात

भिवंडी तालुक्यातील ओवळी गावात भंगाराच्या गोदामाला भीषण आग लागल्याची घटना घडली आहे.

या आगीत चार ते पाच गोदामे जळून खाक झाली आहेत.

गोदामांमध्ये मोठ्या प्रमाणात पेपरचे रोल साठवलेले असल्याने आग अधिक भडकली.

घटनास्थळी भिवंडी अग्निशामक दलाची एक गाडी तत्काळ दाखल झाली असून, आग विझवण्यासाठी शर्थीचे प्रयत्न सुरू आहेत.

सुदैवाने या आगीत कोणतीही जीवितहानी झालेली नाही.

मात्र, गोदामातील मोठ्या प्रमाणात भंगार आणि साहित्य जळून खाक झाल्याने मोठ्या आर्थिक नुकसान झाले आहे.

आग लागण्याचे नेमके कारण अद्याप समजू शकलेले नसून आगीवर नियंत्रण मिळण्यासाठी प्रयत्न सुरू आहे.