Side Effects Of Eating Potato : बटाट्याचे जास्त सेवन करू नका, नाहीतर होऊ शकते मोठे नुकसान

बटाटा आपल्या आहाराचा एक महत्त्वाचा भाग आहे. भारतीय स्वयंपाकघरात वापरली जाणारी ही सर्वात महत्त्वाची भाजी आहे. बटाट्याची सर्वात चांगली गोष्ट म्हणजे तुम्ही ते कोणत्याही हिरव्या भाज्यांसोबत मिसळून तयार करू शकता. बटाट्यापासून तुम्ही अनेक प्रकारचे पदार्थ बनवू शकता.

आपल्या आहारातून बटाटे पूर्णपणे काढून टाकणे योग्य आहे का? जर तुम्ही महिनाभर बटाटे खाणे बंद केले तर शरीरात कोणते बदल होऊ शकतात? जाणून घ्या सविस्तर.

इंडियन एक्स्प्रेसमध्ये प्रसिद्ध झालेल्या बातमीनुसार, बटाट्यामध्ये स्टार्च असतो आणि तो उर्जेचा स्रोतही मानला जातो. बटाट्यामध्ये भरपूर कॅलरीज असतात. त्याचा आहारात समावेश केल्यास दिवसभर उत्साही वाटेल. पण त्यात समस्या अशी आहे की लोक ते शिजवण्यासाठी खूप तेलाचा वापर करतात.

आहारतज्ञ शिवानी अरोरा यांनी सांगितले की जर तुम्ही महिनाभर तुमच्या आहारातून बटाटे काढून टाकले तर त्याचे शरीरावर अनेक सकारात्मक परिणाम होतात. कारण जर तुम्ही बटाटे खाणे बंद केले तर त्याचा थेट परिणाम तुमच्या वजनावर होतो. बटाट्याऐवजी कमी कॅलरी असलेले पदार्थ खाल्ले तर तुमचे वजन नियंत्रणात राहते.

बटाट्यामध्ये भरपूर स्टार्च असते ज्यामुळे रक्तातील साखरेची पातळी वाढण्यास मदत होते. त्यामुळे ते सोडल्याने रक्तातील साखरेचे प्रमाण नियंत्रित राहण्यास मदत होते. विशेषतः मधुमेह असलेल्यांनी बटाटे कमीत कमी खावेत.

जेव्हा तुम्ही बटाटे खाणे बंद करता तेव्हा तुमच्या शरीरात कार्बोहायड्रेट कमी जातात. ज्यामुळे तुमची पचनक्रियाही सुधारते. बाजारात मिळणारे बटाट्याचे पदार्थ खाऊ नयेत. जसे चिप्स आणि फ्रेंच फ्राईज. कारण त्यात भरपूर सोडियम असते आणि ते खाल्ल्याने उच्च रक्तदाब आणि हृदयविकार होऊ शकतो.

जास्त बटाटे खाल्ल्याने अॅलर्जी होऊ शकते. वास्तविक, बटाट्यामध्ये कार्बोहायड्रेट्स आढळतात ज्यामुळे सांधेदुखीचा त्रास वाढू शकतो. अशा परिस्थितीत सांधेदुखीच्या रुग्णांनी बटाट्याचे सेवन कमी करावे किंवा करू नये.

बटाट्याचे नियमित सेवन केल्यानेही अॅसिडिटी होऊ शकते. बटाटे खाल्ल्याने गॅस होऊ शकतो आणि अशा परिस्थितीत ही समस्या त्यांना अनेक दिवस त्रास देऊ शकते. असे म्हटले जाते की रात्रीच्या जेवणात बटाट्यापासून बनवलेल्या गोष्टी खाणे चांगले नाही, कारण या काळात गॅस किंवा अॅसिडिटी वाढू शकते.

मोठ्या प्रमाणात बटाट्याचे सेवन केल्याने रक्तदाब लक्षणीय वाढतो. त्यामुळे त्याचे सेवन नियंत्रीत प्रमाणात करा.

डॉक्टर असा सल्ला देतात की गरोदर महिलांनी बटाट्याचे जास्त सेवन करू नये आणि विशेषतः त्यांनी कच्च्या बटाट्याचे सेवन टाळावे. याचे सेवन आईसाठी आणि बाळासाठी धोक्याचे ठरू शकते.