International Pineapple Day: अननसाचे सेवन केल्यास 'हे' आजार राहतील दूर; त्यामुळे अननस खा आणि निरोगी राहा

व्हिटॅमिन सी समृद्ध: अननस हे व्हिटॅमिन सीचे सर्वोत्तम स्त्रोत आहे. व्हिटॅमिन सी एक अँटिऑक्सिडेंट म्हणून देखील कार्य करते, जे शरीरातील पेशींचे संरक्षण करण्यास मदत करते.

अँटिऑक्सिडंट्स समृद्ध: अननसामध्ये व्हिटॅमिन सी, बीटा-कॅरोटीन आणि फ्लेव्होनॉइड्स सारखे अनेक अँटीऑक्सिडंट असतात. हे अँटिऑक्सिडंट्स आपल्या शरीराला ऑक्सिडेटिव्ह तणावापासून वाचवण्यास मदत करतात आणि अनेक रोगांचा धोका कमी करण्यास मदत करतात.

ब्रेस्ट कॅन्सरचा धोका होतो कमी: अननसामध्ये ब्रोमेलेन नावाचे एन्झाइम आढळते, जे स्तन आणि कोलन कॅन्सर सारख्या काही कॅन्सरचा धोका कमी करण्यास देखील मदत करते.

पचनास मदत करते: अननसमध्ये ब्रोमेलेन नावाचे नैसर्गिक एन्झाइम असते, जे पचनास मदत करते. खरंच, ब्रोमेलेन पाचन समस्या कमी करण्यास मदत करते.

त्वचेसाठी फायदेशीर: अननसमध्ये व्हिटॅमिन सी आढळते, त्यामुळे ते त्वचेला सुरकुत्या पडणे आणि वृद्धत्वाच्या लक्षणांपासून संरक्षण करते.

हाडे होतात मजबूत: अननसामध्ये मॅगनीज मुबलक प्रमाणात आढळते, जे हाडांचे आरोग्य राखण्यासाठी आवश्यक आहे. मॅगनीजचे नियमित सेवन ऑस्टिओपोरोसिसचा धोका कमी करण्यास मदत करू शकते.

वजन कमी करण्यास फायदेशीर: अननसात कॅलरी कमी असतात आणि फायबरचे प्रमाण जास्त असते, त्यामुळे वजन कमी करण्यासाठी तोअननस हा एक चांगला पर्याय आहे. फायबरमुळे आपले पोट दीर्घकाळ भरलेले राहते आणि आपल्याला वारंवार भूक देखील लागत नाही.