PHOTO : अण्णांच्या शेवंताचा हटके लूक; नऊवारी साडीत, नथीचा नखरा

झी मराठी लोकप्रिय मालिका 'रात्रीस खेळ चाले'च्या तिसऱ्या पर्वाला सुरुवात झाली आहे. पर्व सुरु होण्यापूर्वी 'अण्णा नाईक परत येणार' या जाहीरातींनी प्रेक्षकांची उत्सुकता वाढवली होती.

अण्णा परत येणार, पण त्यांच्यासोबतच शेवंताही परत येणार का? हा प्रश्न प्रेक्षकांकडून विचारण्यात येणार होता.

मालिकेच्या दुसऱ्या पर्वात अण्णा आणि शेवंता यांनी प्रेक्षकांची मनं जिंकली होती. या पर्वातही प्रेक्षकांची उत्सुकता शेवंताला पाहण्यासाठी ताणली गेली आहे.

अखेर मालिकेत शेवंताची एन्ट्री झाली आणि शेवंताच्या अदांनी संपूर्ण महाराष्ट्र घायाळ झाला.

शेवंताची भूमिका साकारणारी अपुर्वा नेमलेकर सध्या सोशल मीडियावर चर्चेत आहे.

अपूर्वाने आपल्या इन्स्टाग्रामवर काही फोटो शेअर केले आहेत. अपूर्वाचा हा लूक काहीसा शेवंताशी मिळताजुळताच आहे. लाल नऊवारी साडी, त्यावर पारंपरिक दागिने, नथ, केसात माळलेला गजरा अपूर्वाच्या या फोटोंच्या चर्चा रंगल्या आहेत.

अपूर्वाने रात्रीस खेळ चाले 2 मधून अवघ्या महाराष्ट्राचं मन जिंकलं होतं. आता या मालिकेच्या तिसऱ्या पर्वातही अपूर्वाच्या एन्ट्रीनंतर अण्णा आणि शेवंता या जोडीच्या पुन्हा चर्चा रंगल्या आहेत.

दरम्यान, अपूर्वानं शेअर केलेल्या फोटोंवर चाहत्यांनी कमेंट्स आणि लाईक्सचा वर्षाव केला आहे.