OTT Release October Last Week: ऑक्टोबरच्या शेवटच्या आठवड्यात मनोरंजनाची मेजवाणी; नव्या सीरिज, चित्रपटांचा OTT वर धकाडा
ऑक्टोबरच्या चौथ्या आठवड्यात मनोरंजनाची मेजवाणी OTT वर उपलब्ध होईल. खरंतर, या आठवड्यातही अनेक नव्या मालिका आणि चित्रपट तुमच्या मनोरंजनासाठी येत आहेत.
Download ABP Live App and Watch All Latest Videos
View In App21 ते 27 ऑक्टोबर दरम्यान कोणत्या OTT प्लॅटफॉर्मवर, कोणते नवे चित्रपट आणि सीरिज पाहता येणार? पाहुयात सविस्तर...
काजोल, कृती सेनॉन आणि शाहीर शेख स्टारर 'दो पत्ती' हा सस्पेन्स-क्राईम थ्रिलर आहे. या चित्रपटात कृती डबल रोलमध्ये दिसणार आहे. 'दो पत्ती'ची निर्मिती कृती सेननच्या प्रॉडक्शन हाऊस ब्लू बटरफ्लाय फिल्म्सनं केली आहे. हा चित्रपट शुक्रवारी 25 ऑक्टोबर रोजी OTT प्लॅटफॉर्म Netflix वर प्रदर्शित होणार आहे.
द लिजेंड ऑफ हनुमानच्या पाचव्या सीझनचीही चाहते आतुरतेनं वाट पाहत होते. या हंगामात हनुमानाचा पंचमुखी अवतार दाखवण्यात येणार आहे. ही सीरिज डिस्ने प्लस हॉटस्टारवर 25 ऑक्टोबर रोजी प्रदर्शित केली जाणार आहे.
एका फूड बॉयच्या कथेवर आधारित ‘ज्विगाटों’ नंदिता दास यांनी दिग्दर्शित केला होता. हा चित्रपट मार्च 2023 मध्ये थिएटरमध्ये प्रदर्शित झाला होता. कॉमेडियन आणि अभिनेता कपिल शर्मानं 'ज्विगाटों'मध्ये मुख्य भूमिका साकारली आहे. हा चित्रपट 25 ऑक्टोबर रोजी OTT प्लॅटफॉर्म प्राईम व्हिडीओवर प्रदर्शित केला जाईल.
तुम्हाला इमोशनल चित्रपट पाहायला आवडत असतील, तर महिन्याचा शेवटचा आठवडा फक्त तुमच्यासाठी. हा चित्रपट एका सत्य घटनेवर आधारित आहे. हा चित्रपट विनय नावाच्या एका पात्राभोवती फिरतो, जो लिव्हर सिरोसिसनं ग्रस्त आहे आणि त्याच्याकडे फक्त 6 महिने उरले आहेत, या काळात त्याची भेट रेवती रंजनशी होते आणि त्याचं आयुष्य बदलते. हा इमोशनल ड्रामा 25 ऑक्टोबर रोजी OTT प्लॅटफॉर्म Zee5 वर पाहता येईल.
फुरियोसा: अ मॅड मॅक्स सागा हा देखील बहुप्रतिक्षित चित्रपट आहे. हा चित्रपट डायस्टोपियन (काल्पनिक) जगावर आधारित आहे, ज्यामध्ये फुरियोसाची कथा दाखवली आहे हा चित्रपट 23 ऑक्टोबर रोजी OTT जिओ सिनेमावर प्रदर्शित होणार आहे.
टायलर पेरी यांनी तयार केलेली ब्युटी इन ब्लॅक ही मालिका स्ट्रीपरवर केंद्रित आहे. एक यशस्वी कॉस्मेटिक कंपनी चालवणाऱ्या एका श्रीमंत पण अकार्यक्षम कुटुंबाला भेटल्यावर तिच्या आयुष्यात प्रचंड उलथापालथ होते.
हाय ऑक्टेन स्पाय थ्रिलर ब्लॅक कॅनरी हा देखील सस्पेन्स आणि थ्रिलरनं भरलेला चित्रपट आहे. यामध्ये, केट वेकेन्सेलनं सीआयए ऑपरेटिव्ह असलेल्या एव्हरी ग्रेव्हजची भूमिका साकारली आहे. हा चित्रपट 24 ऑक्टोबरपासून प्राईम व्हिडीओवर पाहता येईल.