इटलीतील सामान चोरीनंतर दिव्यांका-विवेक घरी परतले, खास फोटो शेअर करून मानले भारतीय दूतावासाचे आभार!

लोकप्रिय टीव्ही स्टार कपल दिव्यांका त्रिपाठी आणि विवेक दहिया सध्या अडचणीत आहेत. हे दाम्पत्य युरोपला जात असताना लुटल्याची घटना घडली.

या जोडप्याचे पासपोर्ट आणि इतर कागदपत्रांसह त्यांचे सर्व सामान इटलीतील फ्लोरेन्समध्ये चोरीला गेले.

यानंतर दिव्यांका आणि विवेकने भारत सरकारकडे मदत मागितली होती. आता भारतीय दूतावासाने या जोडप्याला मदत केली आहे.

दिव्यांका आणि विवेकने इंस्टाग्रामवर एक पोस्ट शेअर केली होती. त्यांनी सांगितले की, इटलीमध्ये त्यांच्यासोबत झालेल्या दरोड्याच्या घटनेनंतर ते दोघेही भारतात परतले आहेत.

प्रेम आणि पाठिंब्याबद्दल त्यांनी सर्वांचे आभार मानले. भारतीय दूतावासाने त्यांची 'घरवापसी' शक्य करण्यासाठी मदत केल्याचे त्यांनी सांगितले.

फोटो शेअर करताना जोडप्याने लिहिले- 'लवकरच भारतात जात आहे. तुमच्या प्रचंड प्रेम आणि समर्थनाबद्दल आम्ही तुमचे आभार मानू इच्छितो. आमची 'घरवापसी' शक्य केल्याबद्दल भारतीय दूतावासाचे आभार.

10 जुलै 2024 रोजी दिव्यांका आणि तिचा नवरा विवेक यांना फ्लोरेन्समध्ये लुटण्यात आले होते. या घटनेत त्याचा पासपोर्ट, पाकीट, पैसे आणि खरेदीचे साहित्य हिसकावून नेले.

ETimes ला दिलेल्या मुलाखतीत विवेकने या घटनेची सविस्तर माहिती दिली होती. त्याने सांगितले की तो शहरात एक प्रॉपर्टी पाहण्यासाठी गेला होता, त्यावेळी दरोडेखोरांनी त्याचे सामान लुटले होते.

माहिती देताना विवेकने नमूद केले की आपण स्थानिक पोलिसांशी संपर्क साधण्याचा खूप प्रयत्न केला, परंतु योग्य पुराव्याअभावी त्यांनी त्याला मदत करण्यास साफ नकार दिला.

अभिनेत्याने पुढे सांगितले की, तेथील पोलिस स्टेशन संध्याकाळी 6 वाजता बंद होतात, त्यानंतर ते कोणतीही मदत करत नाहीत.(फोटो :divyankatripathidahiya/ig)