'सिंघम'च्या जलव्यानं हादरलं वर्ल्डवाईल्ड बॉक्स ऑफिस, चित्रपटाची 100 कोटींच्या क्लबमध्ये दिमाखात एन्ट्री

Singham Again Worldwide Collection: अजय देवगणचा सिंघम अगेन थिएटरमध्ये प्रदर्शित झाला आहे. बॉक्स ऑफिसवर शानदार ओपनिंग घेतल्यानंतर हा चित्रपट आता जगभरात 100 कोटींच्या क्लबचा भाग बनला आहे.

Singham Again Worldwide box office Collection

सिंघम अगेन 1 नोव्हेंबर रोजी जगभरात प्रदर्शित झाला. हा चित्रपट 1900 स्क्रीन्सवर चालू आहे आणि चांगली कमाई करत आहे.

रोहित शेट्टी दिग्दर्शित सिंघम अगेन हा चित्रपट दिवाळीच्या मुहूर्तावर प्रेक्षकांच्या भेटीला आला. या चित्रपटाला प्रेक्षकांचा चांगला प्रतिसाद मिळतोय.

Sacknilk च्या मते, चित्रपटानं पहिल्या दिवशी देशांतर्गत बॉक्स ऑफिसवर 43.5 कोटींची कमाई केली होती. आता दोन दिवसांत या चित्रपटानं जगभरात 100 कोटींचा आकडा पार केला आहे.

'सिंघम अगेन'नं पहिल्याच दिवशी जगभरातील बॉक्स ऑफिसवर 65 कोटींचा व्यवसाय केला. आता दुसऱ्या दिवशी या चित्रपटानं भारतात किती कमाई केली याचे आकडे समोर आले आहेत.

सिंघम अगेननं दुसऱ्या दिवशी भारतात 41.5 कोटी रुपयांची कमाई केली आहे. म्हणजेच, या चित्रपटाने जगभरात 100 कोटींच्या क्लबमध्ये प्रवेश केला आहे.

अजय देवगणच्या 'सिंघम अगेन' या चित्रपटाच्या दुसऱ्या दिवसाचं जगभरातील कलेक्शन अद्याप समोर आलेलं नाही.

सिंघम अगेनचा सामना बॉक्स ऑफिसवर कार्तिक आर्यनचा चित्रपट भूल भुलैया 3 सोबत आहे. दोन्ही चित्रपटांमध्ये जबरदस्त स्पर्धा रंगली आहे.

सिंघम अगेनचं दिग्दर्शन रोहित शेट्टीनं केलं आहे. दिग्दर्शकाचा कॉप युनिव्हर्सचा हा पाचवा चित्रपट आहे.

या चित्रपटात अजय देवगण मुख्य भूमिकेत आहे. याशिवाय करीना कपूर, रणवीर सिंह, दीपिका पदुकोण, टायगर श्रॉफ, जॅकी श्रॉफ, अर्जुन कपूर आणि अक्षय कुमार हे देखील चित्रपटाचा भाग आहेत.