मिकी-मिनी अन् युनिक टू टियर केक... रणबीर-आलियानं राहाच्या बर्थडेनिमित्त होस्ट केली जंगल थीम पार्टी; Inside PHOTO पाहिलेत?

रणबीर कपूर आणि आलिया भट्ट यांनी काल त्यांची मुलगी राहाचा दुसरा वाढदिवस साजरा केला. या खास प्रसंगी, या जोडप्यानं मुंबईत लाडक्या मुलीसाठी जंगल थीम पार्टीचं आयोजन केलं होतं, ज्यामध्ये कुटुंब आणि जवळचे मित्र उपस्थित होते.

रणबीर कपूर आणि आलिया भट्ट यांची मुलगी राहा हिच्या दुसऱ्या वाढदिवसाचे Inside PHOTO समोर आले आहेत, ज्यात पार्टीची थीम, युनिक केक आणि बर्थडे पार्टीची धमाल मस्ती पाहायला मिळत आहेत.

रणबीर आणि आलियानं त्यांच्या लाडक्या राहाचा वाढदिवस खास बनवण्यासाठी कोणतीही कसर सोडली नव्हती. त्यामुळेच थीमपासून ते केकपर्यंत सर्व काही खास होतं.

या फोटोंमध्ये तुम्ही पाहू शकता की, आलिया आणि रणबीर दोघांनी राहाच्या सेकंड बर्थडेसाठी खास केक तयार केला होता. पिस्ता ग्रीन कलरच्या केकवर अनेक अॅनिमल्सचे टॉपिंग्स होते. केकवर हॅपी बर्थडे राहा असं लिहिलं होतं.

राहाच्या बर्थडेपार्टीमध्ये ग्रीन आणि व्हाईट कलरचे फुगे लावले गेले होते. पार्टीमध्ये टॅटू मेकिंगही ठेवलं होतं.

तसेच, नातीच्य बर्थडे पार्टीमध्ये आजोबा महेश भट्टही एन्जॉय करताना दिसून आले. ते मिनी आणि मिकीसोबत मस्ती करताना दिसले.

राहाची आज्जी सोनी राजदान आणि नीतू सिंह यांनीही आपल्या लाडक्या नातीचा वाढदिवस आपल्या मैत्रिणींसोबत सेलिब्रेट केला. फोटोंमध्ये नीना गुप्तासुद्धा दिसत आहे.