Rajkummar Rao Birthday Special: राजकुमार रावचे ते चित्रपट ज्यात त्याचे चाहतेही त्याला ओळखू शकले नाहीत, फोटो पहा

बॉलिवूड अभिनेता राजकुमार राव हा असा अभिनेता आहे, ज्याने आपल्या अभिनयाच्या जोरावर बॉलिवूडमध्ये आपलं स्थान निर्माण करत कोणत्याही भूमिकेत तो फिट असल्याचे सिद्ध केले. 400 वर्षांच्या बाबांची भूमिका असो किंवा वेडसर पतीची भूमिका असो, स्त्रीची व्यक्तिरेखा असो किंवा नेताजी सुभाषचंद्रांसारखा महापुरुष असो, ही पात्रे प्रत्यक्षात आणण्यासाठी त्याला असा गेटअप देण्यात आला की काही वेळा त्याला ओळखणेही कठीण होते. एकंदरीत असे म्हणता येईल की राजकुमार राव एक अशी व्यक्ती आहे जी प्रत्येक पात्र मनापासून प्रत्यक्षात उतरवते. अशीच काही भन्नाट पात्र तुमच्यासाठी घेऊन आलोत.

राजकुमार राव मोहित सुरीच्या 'हमारी अधुरी कहानी' या चित्रपटात दिसला. या चित्रपटातील त्याचे पात्र हिंसक पतीचे होते. या भूमिकेत त्याने जीव ओतला होता. राजकुमार राव या चित्रपटात लहानपणापासून हिंसक आणि नंतर म्हातारपणापर्यंत अनेक टप्प्यातून गेला.

एकता कपूरच्या 'बोस - डेड/अलाइव्ह' या वेबसिरीजमध्ये राजकुमार राव याने दिग्गज स्वातंत्र्य सेनानी नेताजी सुभाषचंद्र बोस यांची भूमिका साकारली होती. या भूमिकेसाठी त्याला किती छान गेटअप देण्यात आला हे तुम्हीच बघा.

राजकुमार राव आपल्या पात्राला न्याय देण्यासाठी कोणत्याही मर्यादेपर्यंत जाऊ शकतात, जर खात्री नसेल तर फक्त 'ट्रॅप्ड' चित्रपटातील त्याचा हा लूक पाहा, जिथे त्याचे पोट 'बोस'चे पात्र साकारताना दिसले, या भूमिकेसाठी त्यानं खूप वजन कमी केलेलं. त्याच्या कमी वजनाच्या लूकने सर्वांना आश्चर्यचकित केले. पात्राला न्याय देण्यासाठी त्यानं खाणे -पिणे खरोखरच सोडून दिलं होतं.

जेव्हा बॉलिवूडमध्ये जबरदस्त ट्रान्सफॉर्मेशनची चर्चा होते, तेव्हा 'राब्ता' चित्रपटातील राजकुमार रावच्या या भूमिकेचा नक्कीच उल्लेख केला जाईल. या चित्रपटात त्याने 400 वर्षांच्या माणसाची भूमिका केली होती. या भूमिकेसाठी असा मेक-अप करण्यात आला, की कोणीही त्याला ओळखू शकले नाही.

राजकुमार राव चित्रपट दिग्दर्शक अनुराग बसू यांच्या 'लुडो' चित्रपटात एका महिलेच्या भूमिकेत दिसला. तुम्ही स्वतः बघा की राजकुमार रावला या स्त्री पात्रात ओळखणं अवघड आहे की नाही.

'लुडो' चित्रपटातच राजकुमार राव अशा भूमिकेत होता, जो अभिनेता मिथुन चक्रवर्तीचा मोठा चाहता आहे. त्याचा लूक मवाली आणि अभिनेत्याचा चाहता असा मिश्र होता.

हा सीन 'ओमेर्टा' चित्रपटातील आहे ज्यामध्ये तो दहशतवादी बनला आहे. या भूमिकेसाठी त्याने दाढी आणि मिशा वाढवल्या होत्या.

राजकुमार राव श्रुती हासनसोबत 'बेहेन होगी तेरी' चित्रपटात दिसला. या चित्रपटात त्याने एका प्रियकराची भूमिका साकारली जी आपल्या भावना सांगू शकत नाही. या चित्रपटाच्या पोस्टरमध्ये तो भगवान शिवाच्या अवतारात दिसला होता. या पोस्टरमध्ये तुम्ही त्याला ओळखलं का?