Milind Gunaji : मिलिंद गुणाजींच्या मुलाचे दिग्दर्शनात पदार्पण; 'रावण कॉलिंग' लवकरच येणार प्रेक्षकांच्या भेटीला

'रावण कॉलिंग' या चित्रपटाचा मुहूर्त सोहळा नुकताच पार पडला.

संदीप दंडवते, संदीप बंकेश्वर आणि अभिषेक गुणाजी यांची पटकथा असलेल्या या चित्रपटाचे दिग्दर्शन अभिषेक गुणाजी आणि संदीप बंकेश्वर यांनी केले आहे.

'रावण कॉलिंग' या चित्रपटाच्या माध्यमातून मिलिंद गुणाजी यांचा मुलगा अभिषेक गुणाजी दिग्दर्शन क्षेत्रात पदार्पण करत आहे.

‘रावण कॅालिंग’मध्ये सचित पाटील, पूजा सावंत, वंदना गुप्ते, गौरव घाटणेकर, रवी काळे, बिपीन नाडकर्णी राजू शिसाटकर आणि सोनाली कुलकर्णी, मिलिंद गुणाजी यांच्या प्रमुख भूमिका आहेत.

‘रावण कॅालिंग’ हा चित्रपट कशावर आधारित आहे, याबाबत सध्या गोपनीयता असली तरी लवकरच या गोष्टी उलगडतील.

अभिषेक गुणाजी म्हणाला,यापूर्वी मी दिग्दर्शक सतीश राजवाडे यांच्या चित्रपटासाठी सहाय्यक दिग्दर्शक म्हणून काम केले होते. मात्र स्वतंत्र दिग्दर्शनाच्या कारकिर्दीतील हा माझा पहिला चित्रपट आहे, त्यामुळे उत्सुकता तर आहेच पण तितकेच दडपणही आहे.

अभिषेक पुढे म्हणाला,माझ्या प्रोजेक्टला शंभर टक्के न्याय देण्याचा माझा पूर्ण प्रयत्न असेल.

‘रावण कॅालिंग’ या सिनेमाच्या शूटिंगला मुंबईत सुरुवात झाली आहे.

'रावण कॉलिंग' हा सिनेमा लवकरच प्रेक्षकांच्या भेटीला येणार आहे.

‘रावण कॅालिंग’ हा सिनेमा अनेक ट्विस्टने भरलेला असेल, असे म्हटले जात आहे.