PHOTO : साडेचार कोटींच्या Lamborghini मधून Kartik Aryan संजय लीला भंसाळींच्या भेटीला; 'Heera Mandi' मध्ये मुख्य भूमिकेत झळकणार?

अभिनेता कार्तिक आयर्न सध्या चर्चेत आहे. काही दिवसांपूर्वी कार्तिक आर्यनची दोस्तान चित्रपटातून हाकलपट्टी केल्याचं वृत्त समोर आलं होतं. त्यावरुन नेटकऱ्यांनी पुन्हा एकदा करन जोहरवर निशाणा साधला होता. परंतु, आता कार्तिक आर्यनकडे अनेक मोठे प्रोजेक्ट्स असल्याच्या चर्चांनी जोर धरला आहे.

काल (सोमवारी) कार्तिक आर्यन मुंबईमध्ये प्रसिद्ध चित्रपट निर्माते संजय लीला भंसाळी यांच्या ऑफिसबाहेर दिसून आला. आपल्या ब्लॅक Lamborghini मधून कार्तिक आर्यन संजय लीला भंसाळी यांच्या ऑफिसमध्ये पोहोचला. कार्तिकची ही गाडी जवळपास 4.5 कोटी रुपयांची आहे. याच वर्षी एप्रिलमध्ये कार्तिकनं ही कार खरेदी केली आहे.

भंसाळी यांनी आपला आगामी चित्रपट गंगुबाई काठियावाडीचं काम पूर्ण केलं आहे. आता ते हीरा मंडी या नव्या चित्रपटाचं काम सुरु करणार आहेत. या चित्रपटाच्या मुख्य भूमिकेसाठी अद्याप कोणत्याही अभिनेत्याच्या नावाची घोषणा करण्यात आलेली नाही. अशातच चर्चा आहे की, या चित्रपटात कार्तिक आर्यन मुख्य भूमिकेत दिसणार आहे.

काल ज्यावेळी कार्तिक आर्यन संजय लीला भंसाळी यांच्या ऑफिसबाहेर दिसून आला. तेव्हापासून या चर्चांनी आणखी जोर धरला आहे.

काही दिवसांपूर्वी सत्यनारायण यांच्या कथा या चित्रपटाची घोषणा करण्यात आली होती. या चित्रपटाची निर्मिती साजिद नाडियाडवाला करत आहेत. यामध्येही कार्तिक असल्याचं बोललं जात आहे.

याव्यतिरिक्त भूल भूलैया 2 चं चित्रकरण पूर्ण झालं असून लवकरच हा चित्रपट रिलीज करण्यात येणार आहे. नेटफ्लिक्सची धमाका देखील रिलीज होणं बाकी आहे. हा अभिनेता हंसल मेहताच्या चित्रपटात दिसून येणार आहे.