Karisma Kapoor : जेव्हा करिश्माला एकटीला पाहून बेडरूममध्ये शिरला अनोळखी व्यक्ती... काय होता तो किस्सा?

करिश्मा कपूरच्या बॉलिवूडमधील यशस्वी करिअरबद्दल सर्वांनाच माहिती आहे. पण आज आम्ही तुम्हाला तिच्या वैयक्तिक आयुष्याशी निगडित असाच एक किस्सा सांगणार आहोत.

खरं तर ही कथा त्यावेळची आहे जेव्हा करिश्मा कपूरच्या घरात फर्निचरचे काम चालू होते. मग एके दिवशी तिच्या घरात काम करणाऱ्या एका सुताराने असे काम केले की, अभिनेत्रीला मोठा धक्का बसला.

त्याचं झालं असं की, एके दिवशी सुतार घरात काम करत असताना करिश्मा घरात एकटी असल्याचं त्याला समजलं. अशा स्थितीत त्याने संधीचा फायदा घेत बेडरूममध्ये प्रवेश केला.

त्यावेळी करिश्माला सुतार तिच्या खोलीत शिरल्याचेही कळले नाही.

याचाच फायदा घेत सुताराने खोलीत ठेवलेली करिश्मा कपूरची पर्स चोरून तिथून पळ काढला. जेव्हा अभिनेत्रीला हा प्रकार समजला तेव्हा तिला आश्चर्याचा धक्काच बसला.

त्यांनी घरात पर्स शोधली मात्र ती सापडली नाही. तिच्या अनेक मौल्यवान वस्तूही त्या पर्समध्ये ठेवण्यात आल्या होत्या.

यानंतर अभिनेत्रीने तात्काळ याप्रकरणी पोलिसांत तक्रार दाखल केली. पोलिसांनी कारवाई करत त्या व्यक्तीला पकडले आणि अभिनेत्रीची पर्स त्यांना परत केली.

करिश्मा कपूरने तिच्या करिअरमध्ये राजा हिंदुस्तानी, राजा बाबू, दिल तो पागल है, बीवी नंबर वन यांसारख्या अनेक उत्कृष्ट आणि ब्लॉकबस्टर चित्रपटांमध्ये काम केले आहे.