नाव कमवण्यासाठी छोटा पडदा सोडला, अनेक चित्रपटांत काम, पण 'ही' स्टार अभिनेत्री अजूनही दमदार भूमिकेच्या शोधात!

छोट्या पडद्यावरील 'नागीन' या मालिकेमुळे प्रसिद्ध झालेली अभिनेत्री मौनी रॉय तिच्या करिअरच्या सुरूवातीला बॅकडान्सर म्हणून काम करत होती. त्यानंतर मौनी रॉय छोट्या पडद्यावरील स्टार बनली.

अभिनेत्री मौनी रॉय छोट्या पडद्यावर सर्वांत जास्त फी आकारणाऱ्या अभिनेत्र्यांपैकी एक आहे.

अभिनेत्री एकता कपूरच्या टिव्ही शो ‘क्योंकी सास भी कभी बहू थी’ या मालिकेच्या माध्यमातून मौनीने अभिनय क्षेत्रात पदार्पण केले.

देवों के देव ..महादेव या मालिकेत मोहित रैनासोबत सतीच्या भूमिकेत दिसलेली मौनी पुन्हा प्रसिद्घीच्या झोतात आली.

अभिनय क्षेत्रात आणखी नाव कमवण्यासाठी मौनी रॉयने छोट्या पडद्यावरील भूमिका सोडून बॉलीवूडमध्ये पाऊल ठेवले. हिंदी सिनेसृष्टीच्या दिग्गज अभिनेत्यासोबत मौनीने 'गोल्ड' चित्रपटाच्या माध्यमातून मोठ्या पडद्यावरील करिअरला सुरुवात केली.

मौनी रॉयने 'रोमियो अकबर वॉल्टर', 'मेड इन चायना', 'लंडन कॉन्फिडेंशियल' आणि 'वेले' या बॉलिवुड चित्रपटांत अभिनय केला. परंतु हे चित्रपट बॉक्सऑफिसवर चांगली कमाई करु शकले नाहीत.

या 6 वर्षात अभिनय क्षेत्रात मेहनत करुनदेखील बॉलिवुड सिनेसृष्टीत मौनी रॉयला नशिबाने म्हणावी तशी साथ दिलेली नाही.