Lok Sabha Election Results 2024 : बारामती, पुणे, माढ्यासह राज्यातील हायव्होल्टेज मतदारसंघातील विजयी उमेदवारांची यादी; नवे खासदार कोण?

लोकसभा निवडणूक 2024 मध्ये राज्यातील सर्वात प्रतिष्ठेची लढाई ही बारामती लोकसभा मतदारसंघात झाली. यात राष्ट्रवादी शरद पवार गटाच्या सुप्रिया सुळेंचा विजय झाला, तर अजित पवार यांच्या पत्नी सुनेत्रा पवार यांचा पराभव झाला आहे.

उत्तर मध्य मुंबईत काँग्रेस उमेदवार वर्षा गायकवाड विजयी झाल्या आहेत. तर भाजपच्या उज्ज्वल निकम यांचा पराभव झाला आहे.

नागपूरमध्ये भाजप उमेदवार नितीन गडकरी यांचा विजय झाला आहे, तर काँग्रेसच्या विकास ठाकरेंचा पराभव झाला आहे.

हातकणंगले मतदारसंघात शिवसेना शिंदे गटाचे धैर्यशील माने विजयी झाले, त्यांनी ठाकरे गटाच्या सत्यजीत पाटील यांचा पराभव केला.

अहमदनगरमध्ये राष्ट्रवादी शरद पवार गटाचे निलेश लंके विजयी झाले आहेत. तर भाजपच्या सुजय विखे पाटील यांचा पराभव झाला आहे.

रत्नागिरीत भाजपच्या नारायण राणेंचा दणदणीत विजय झाला आहे, तर शिवसेना ठाकरे गटाचे विनायक राऊत पराभूत झाले आहेत.

माढा मतदारसंघात राष्ट्रवादी शरद पवार गटाचे धैर्यशील मोहिते-पाटील यांचा विजय झाला आहे. भाजपचे रणजीतसिंह नाईक-निंबाळकर पराभूत झाले आहेत.