Nandurbar Accident : नंदुरबारच्या कोंडाईबारी घाटात पाच वाहनांचा विचित्र अपघात; एक ठार 15 जण गंभीर, वाहनांचेही मोठे नुकसान

नंदुरबारच्या नवापूर तालुक्यातील कोंडाईबारी घाटात पाच वाहनांचा विचित्र अपघात झाल्याची घटना घडली आहे.

यात चार ट्रक आणि एक बसचा भीषण अपघात झाला आहे.

मिळालेल्या माहितीनुसार या अपघातात एक ठार तर 15 प्रवासी जखमी झाल्याची माहिती आहे.

यात अमळनेर-सुरत बस आणि चार ट्रकांचा अपघात झाला आहे.

हा अपघात इतका भीषण होता की यात सर्व वाहनांचे मोठ्याप्रमाणात नुकसान झाले आहे.

मात्र, हा अपघात नेमका कसा झाला हे अद्याप कळू शकलेले नाहीये.

कोंडाईबारी घाटात वारंवार अपघात होत असतात. मात्र हा अपघात अतिशय भीषण असून वेळीच या अपघातप्रणव क्षेत्रासाठी योग्य त्या उपाययोजना करण्याची मागणी केली जात आहे.

घटनेची माहिती मिळताच पोलिस आणि महामार्ग प्रशासन घटनास्थळी दाखल झाले आहे.

महामार्ग प्रशासन आणि पोलीस प्रशासनाच्या वतीने उपाययोजना होत नसल्याने वाहन चालकांमध्ये नाराजी पसरली आहे.