Dhule : कापूस आणि तूर शेतीच्या आज गांजा पिकवला; पोलीस कारवाईत एक कोटीचा मुद्देमाल जप्त

शिरपूर तालुक्यामध्ये पोलिसांनी छापेमारी करत दोन वेगवेगळ्या ठिकाणी गांजाच्या शेतीवर कारवाया केल्या आहेत.

एका कारवाईत स्थानिक गुन्हे अन्वेषण विभागाच्या पथकाने गांजाची शेती उद्ध्वस्त केली आहे.

त्या ठिकाणी कापूस आमि तुरीच्या शेतीच्या आड गांजाची शेती केली जात होती.

यामध्ये जवळपास 56 लाख रुपयांचा गांजा पोलिसांनी हस्तगत केला आहे.

या कारवाईमध्ये एका आरोपीला अटक करण्यात आली असून पुढील तपास स्थानिक गुन्हे अन्वेषण विभागाच्या पथकातर्फे सुरू आहे.

तर दुसरी कारवाई ही थाळनेर पोलिसांनी केली आहे. थाळणेर परिसरामध्ये सुरू असलेली अवैध गांज्याची शेती थाळणेर पोलिसांनी उद्ध्वस्त केली आहे.

या कारवाईत पोलिसांनी जवळपास 50 लाख रुपयांचा मुद्देमाल हस्तगत केला आहे.