Closing Bell: बँकिंग स्टॉक्समध्ये खरेदीचा जोर; सेन्सेक्स-निफ्टीमध्ये तेजी

भारतीय शेअर बाजाराने आज पुन्हा एकदा उच्चांक गाठला.

बँकिंग स्टॉक्स खरेदीचा जोर दिसून आल्याने बँक निफ्टी निर्देशांकात जवळपास 700 अंकांची तेजी दिसून आली.

मुंबई शेअर बाजाराचा निर्देशांक सेन्सेक्स 529 अंकांच्या तेजीसह 66,590 आणि राष्ट्रीय शेअर बाजाराचा निर्देशांक निफ्टी 147 अंकांच्या तेजीसह 19,711 अंकांवर स्थिरावला.

आज दिवसभरातील व्यवहारात बँकिंग आणि वित्तीय क्षेत्रातील स्टॉक्समध्ये तेजी दिसून आली.

मेटल्स, मीडिया, एनर्जी, हेल्थकेअर, ऑईल अॅण्ड गॅस, ग्राहकोपयोगी वस्तू सारखे सेक्टरमध्ये तेजी दिसून आली. स्मॉल कॅप आणि मिड कॅपमध्येही तेजी दिसून आली.

ऑटो आणि रिअल इस्टेट सेक्टरमधील शेअर्समध्ये घसरण दिसून आली.

एसबीआय, विप्रो, रिलायन्स, एचडीएफसी बँक, कोटक महिंद्रा, टेक महिंद्रा, इंडसइंड बँक आदींमध्ये तेजी दिसून आली.

टाटा मोटर्स, भारती एअरटेल, टायटन कंपनी, महिंद्रा अॅण्ड महिंद्रामध्ये घसरण दिसून आली.

मुंबई शेअर बाजारात सूचीबद्ध असलेल्या कंपन्यांचे बाजार भांडवल पहिल्यांदाच 303 लाख कोटींहून अधिक झाले आहे.

आज बाजारातील व्यवहार थांबले तेव्हा बीएसईवरील कंपन्यांचे बाजार भांडवल 303.88 लाख कोटी इतके झाले.