Mauni Amavasya 2025 : मौनी अमावस्येला 'या' 5 झाडांची करा पूजा; दु:खापासून होईल सुटका, पितरांना मिळेल मोक्षप्राप्ती

पंचांगानुसार, कृष्ण पक्षाच्या पंधराव्याला तिथीला अमावस्या असते. माघ महिन्यात येणाऱ्या अमावस्येला मौनी अमावस्या म्हणतात. या दिवशी महाकुंभ मेळ्यात शाही स्नान करण्याची देखील परंपरा आहे.
Download ABP Live App and Watch All Latest Videos
View In App
हिंदू धर्मात मौनी अमावस्येला फार महत्त्वाचं स्थान देण्यात आलं आहे. या दिवशी स्नान, दान, पूजेबरोबरच मौन व्रत देखील ठेवलं जातं.

मान्यतेनुसार, या दिवशी झाडा-झुडुपांची पूजा केल्याने पितृदोष दूर होतात. तसेच, भाग्य उजळतं.
हिंदू धर्मानुसार, पिंपळाच्या झाडात त्रिदेव आणि पितरांचा वास असतो. त्यामुळे अमावस्येला पिंपळाच्या झाडाची पूजा करावी.
तसेच, या दिवशी तुम्ही तुळशीची देखील पूजा करु शकता. त्याचबरोबर, तुळशीच्या रोपाशेजारी तुपाचा दिवा लावावा. यामुळे घरात सुख-समृद्धी नांदते. जीवनात आनंद येतो.
ज्योतिष शास्त्रानुसार, भगवान शंकराला बेलपत्र फार प्रिय आहे. त्यामुळे या दिवशी भगवान शंकराची कृपा राहावी यासाठी बेलपत्राची पूजा करावी. तुम्ही शिवलिंगावर देखील बेलपत्र वाहू शकता.
मौनी अमावस्येला शनी देव आणि भगवान शंकराचा आशीर्वाद मिळावा यासाठी तुम्ही शमीच्या वृक्षाची देखील पूजा करु शकता. कारण शमीचा संबंध भगवान शंकर आणि शनीदेव यांच्याशी जोडला जातो. यामुळे नकारात्मक प्रभाव दूर होतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)