Dharashiv : तुळजाभवानी देवीच्या सिंहासन पूजेसाठी ऑनलाईन नोंदणीला आजपासून सुरुवात; भक्तांना नोंदणी करण्याचं संस्थानाकडून आवाहन

महाराष्ट्राची कुलस्वामीनी श्री तुळजाभवानी देवीच्या दर्शनासाठी महाराष्ट्रासह आंध्रप्रदेश,कर्नाटक, तेलंगाणा आणि इतर राज्यातून भाविक कुलदेवता असल्याने या ठिकाणी कुलाचार आणि कुलधर्म करण्यासाठी मोठ्या संख्येने येतात.

या ठिकाणी देवीची सिंहासन पूजा ही अत्यंत महत्वाची मानली जाते.

ही सिंहासन पूजा नोंदणी ऑनलाईन पद्धतीने तुळजाभवानी मंदिर संस्थानच्या अधिकृत संकेतस्थळावर उपलब्ध करून देण्यात आली आहे.

सिंहासन पूजा नोंदणी आजपासून म्हणजे 21 नोव्हेंबर 2024 रोजी सकाळी 10 वाजल्यापासून सुरु करण्यात येईल.

तर 26 नोव्हेंबर 2024 रोजी सकाळी 10 वाजेपर्यंत ही पूजा करता येणार आहे.

त्यामुळे भाविकांनी जास्तीत जास्त लाभ घ्यावा असं आवाहन मंदिर संस्थानाकडून करण्यात आलं आहे.