Ashadhi Wari 2024 : संत तुकाराम महाराजांच्या पालखीचे पंढरपूरकडे प्रस्थान; देहू नगरीत वारकऱ्यांची मांदियाळी

आषाढी वारीला सुरुवात झाली असून अनेक ठिकाणांहून पालख्या पंढरपूरच्या दिशेने निघाल्या आहेत.

आज जगतगुरु संत तुकाराम महाराजांच्या पालखीचा प्रस्थान सोहळा होणार आहे.

यासाठी देहू नगरी सजली आहे. ठिकठिकाणांहून लाखो वारकरी आज देहू नगरीत दाखल झाले आहेत.

यंदा 339 वा पालखी सोहळा आहे. या निमित्ताने पालखी सोहळ्याची जय्यत तयारी करण्यात आली आहे.

त्यानंतर दुपारी 2 वाजता पंढरपूरकडे पालखीचं प्रस्थान सुरु केलं जाईल.

याच पालखीतून संत तुकाराम महाराजांच्या पादुका या पंढरपूरकडे रवाना होणार आहेत. या निमित्ताने सकाळपासूनच ही पालखी सजविण्यात येतेय.

अनेक वारकरी आज देहूत दर्शन घेण्यासाठी दाखल झाले आहेत. देहू नगरीत आज सगळ्या वारकऱ्यांचा मेळा पाहायला मिळतोय.