Papaya: पपईच्या दरात वाढ; शेतकऱ्यांना अकरा रुपये प्रति किलो दरानं मिळणार भाव

देशातील सर्वात मोठा पपई उत्पादक जिल्हा म्हणून नंदुरबार जिल्ह्याची ओळख आहे.

नंदुरबार जिल्ह्यात जवळपास दहा हजार एकर पेक्षा अधिक क्षेत्रावर पपईची लागवड करण्यात आली आहे.

पपईच्या दरासंदर्भात मागील आठवड्यात शेतकरी आणि व्यापाऱ्यांमध्ये तणाव निर्माण झाला होता.

व्यापारी 9 ते 10 रुपये प्रति किलोने पपईची खरेदी करत होते. त्यामुळे शेतकऱ्यांमध्ये तीव्र असंतोष होता.

अखेर पपई उत्पादक शेतकरी आणि व्यापारी यांच्या शाळा कृषी उत्पन्न बाजार समितीत झालेल्या बैठकीत पपईच्या दरावर तोडगा काढण्यात आला आहे.

पपईला प्रति किलो अकरा रुपयाचा दर देण्याचे निश्चित करण्यात आले आहे.

पपईचे दर वाढविण्यात आल्याने पपई उत्पादक शेतकऱ्यांना मोठा दिलासा मिळाला आहे,

उत्तरेकडील राज्यांमध्ये पपईच्या मागणी प्रचंड वाढ झाल्याने पपईंचे दर तेजीत असल्याची माहिती जाणकारांनी दिली आहे

एकूणच पपई उत्पादक शेतकऱ्यांसाठी दिलासादायक बाब असली तरी पपईवर होणाऱ्या विविध रोगामुळे पपईचे उत्पादनातही कमी येण्याची शक्यता आहे