Abdul Sattar : कृषीमंत्री अब्दुल सत्तार बांधावर, नुकसानग्रस्त भागाची पाहणी

अवकाळी पावसामुळं शेती पिकांचं मोठं नुकसान, कृषीमंत्री सत्तार शेतकऱ्यांच्या बांधावर.

धुळे जिल्ह्यातील नुकसानग्रस्त भागाची सत्तार यांनी केली पाहणी. तसेच शेतकऱ्यांशी साधला संवाद.

अब्दुल सत्तार यांनी नंदुरबार जिल्ह्यातील नुकसानग्रस्त भागाची केली पाहणी.

अवकाळी पावसाचा शेती पिकांना मोठा फटका बसला आहे. शेतकऱ्यांची उभी पिकं आडवी झाली आहेत.

शेतकऱ्यांच्या नुकसानीचा अधिकाऱ्यांकडून कृषीमंत्री सत्तार यांनी आढावा घेतला. तसेच नुकसानग्रस्त शेतकऱ्यांशी संवाद साधला.

गारपीटमुळं शेतीच्या झालेल्या नुकसानीची मंत्री सत्तार यांच्यासह अधिकाऱ्यांनी केली पाहणी. तात्काळ पंचनामे करण्याचे आदेशही सत्तार यांनी दिले आहेत.

मराठवाड्यासह विदर्भ आणि उत्तर महाराष्ट्रात अवकाळी पावसाचा मोठा फटका बसला आहे. द्राक्ष, आंबा, केळी बागांचे मोठं नुकसान झालं आहे.

अवकाळी पावसामुळं रब्बी पिकांचेही मोठं नुकसान झालं आहे. शेतकऱ्यांच्या हाती आलेला घास हिरावला आहे.

नुकसानग्रस्त शेतकऱ्यांच्या बांधावर जात सत्तार यांनी शेतककऱ्यांना दिलासा दिला.

सरकार शेतकऱ्यांच्या पाठीशी खंबीरपणे उभा असल्याचा विश्वास यावेळी सत्तार यांनी शेतकऱ्यांना दिला आहे.