Russia Ukraine War : रशियाचा मारियुपोलमध्ये युद्धविराम जाहीर, 5 हजारांहून अधिक लोकांचा मृत्यू झाल्याची भीती

Russia Ukraine War : मीडिया रिपोर्ट्सनुसार, मारियुपोल शहरात 5000 हजारांहून अधिक लोकांचा मृत्यू झाला आहे.

Russia Ukraine War : रशिया आणि युक्रेनमध्ये (Russia Ukraine) 36 व्या दिवशीही युद्ध सुरू आहे. या भीषण संघर्षात मोठ्या प्रमाणात लष्कराचे जवान आणि नागरिक मारले जात आहेत. दरम्यान, रशियाने आज युक्रेनमधील मारियुपोल (Mariupol) येथे युद्धविराम जाहीर केला. मीडिया रिपोर्ट्सनुसार, या शहरात 5000 हजारांहून अधिक लोकांचा मृत्यू झाला आहे. रशियाने गुरुवारी युक्रेनियन शहरातील मारियुपोलमधील नागरिकांना बाहेर काढण्यासाठी स्थानिक युद्धविराम जाहीर केला. रशियाच्या संरक्षण मंत्रालयाने बुधवारी सांगितले की मारियुपोल ते झापोरिझ्झ्यापर्यंतचा मानवतावादी कॉरिडॉर रशियन-नियंत्रित बुर्डियनस्क बंदरातून आजपासून सुरू झाला आहे

मारियुपोलमध्ये युद्धबंदीची घोषणा

रशियाच्या संरक्षण मंत्रालयाने सांगितले की, नागरिकांचे निर्वासन यशस्वी करण्यासाठी संयुक्त राष्ट्रांचे निर्वासित उच्चायुक्त (UNHCR) आणि रेड क्रॉसच्या आंतरराष्ट्रीय समितीच्या थेट सहभागाने मानवतावादी ऑपरेशन करण्याचा प्रस्ताव आहे.मंत्रालयाने रशिया, संयुक्त राष्ट्र निर्वासित आणि रेड क्रॉसच्या आंतरराष्ट्रीय समितीला सकाळी 6 वाजेपूर्वी लिखित सूचनेद्वारे गुरुवारच्या युद्धविरामाचा बिनशर्त आदर करण्याची हमी युक्रेन सरकारला दिली.

किमान 5 हजार लोक मरण पावले
रशियाचे राष्ट्राध्यक्ष व्लादिमीर पुतिन यांच्या लष्करी कारवाईच्या आदेशानंतर 24 फेब्रुवारीपासून युक्रेनमध्ये सातत्याने हल्ले होत आहेत. युक्रेनमधील युद्ध सुरू झाल्यापासून रशियन बॉम्बहल्ल्यांनी सर्वाधिक प्रभावित झालेल्या शहरांपैकी मारियुपोल हे शहर आहे. राष्ट्रपतींचे सल्लागार तेत्याना लोमाकिना यांनी सोमवारी एएफपी वृत्तसंस्थेला सांगितले की, मारियुपोलमध्ये किमान 5,000 लोक मरण पावले आहेत. ढिगाऱ्याखाली अडकलेल्या मृतदेहांवरूनच घातपाताचा अंदाज लावता येतो. मारियुपोलमध्ये, अन्न, वीज आणि औषधांचा तीव्र तुटवडा असताना 170,000 लोक अजूनही रशियन सैन्याने वेढलेले असल्याची माहिती मिळत आहे. 

संबंधित बातम्या