Nancy Pelosi Taiwan Visit: 'कितीही विरोध होऊ द्या, आम्ही थांबणार नाही', नॅन्सी पेलोसींचा चीनला नाव न घेता इशारा

Nancy Pelosi Taiwan Visit: नॅन्सी पेलोसी यांच्या तैवान भेटीमुळे चीन चांगलाच संतापला आहे, तर पेलोसी यांनी देखील चीनला नाव न घेता इशारा दिला आहे.

Nancy Pelosi Taiwan Visit: यूएस हाऊस ऑफ रिप्रेझेंटेटिव्हच्या अध्यक्षा नॅन्सी पेलोसी यांनी त्यांच्या तैवान भेटीदरम्यान राष्ट्राध्यक्ष त्साई इंग-वेन आणि इतर खासदारांची भेट घेतली. या बैठकीपूर्वी पेलोसींनी तैवानच्या संसदेला संबोधित केले. तसेच त्यांनी चीनचला नाव न घेता इशारा दिला आहे. त्या म्हणाल्या कितीही विरोध होऊ द्या, आम्ही थांबणार नाही. आणखी काय म्हणाल्या पेलोसी?

तैवान-अमेरिका मैत्रीचा अभिमान- पेलोसी
पेलोसी यांनी तैवानच्या संसदेत सांगितले की, "जगातील सर्वात स्वतंत्र समाजांपैकी एक म्हणून आम्ही तैवानचे कौतुक करतो." तैवानने कोरोनाविरुद्धच्या लढाईत एक आदर्श ठेवला आहे. त्याच वेळी, तैवान-अमेरिका मैत्रीचा आम्हा सर्वांना अभिमान आहे. असे पेलोसी म्हणाल्या

चीन चांगलाच संतापला 
चीनने नेहमीच तैवानला आपला भाग मानले आहे. जिनपिंग यांच्या म्हणण्यानुसार आज नाही तर उद्या तैवान चीनमध्ये सामील होईलच, दरम्यान, नॅन्सी पेलोसी यांच्या तैवान भेटीमुळे चीन चांगलाच संतापला आहे आणि त्यांनी तैवानभोवती डावपेचांची घोषणा केली आहे. दुसरीकडे, नॅन्सी यांनी आपल्या भेटीदरम्यान प्रसारमाध्यमांशी बोलताना स्पष्ट केले की, तैवानमध्ये येण्यासाठी त्यांना तीन महत्त्वाचे मुद्दे आहेत. सुरक्षा, शांतता आणि सरकार.

अमेरिकेला तैवानमध्ये शांतता हवी आहे

त्या पुढे म्हणाल्या की, आम्ही तैवानच्या लोकांसोबत आहोत. आम्ही तैवानच्या लोकशाहीचे समर्थक आहोत. लवकरच त्या तैवानच्या राष्ट्रपती त्साई इंग वेन यांची भेट घेणार आहे. नॅन्सी पुढे म्हणाल्या की, अमेरिकेला तैवानमध्ये शांतता हवी आहे. आम्हाला तैवानसोबत देवाणघेवाण वाढवायची आहे. तैवान हा जगातील सर्वात स्वतंत्र समाजांपैकी एक आहे. ते म्हणाले की आम्ही तुमचे ऐकण्यासाठी आणि तुमच्याकडून शिकण्यासाठी येथे आहोत. एकत्रितपणे पुढे जाण्यासाठी मार्ग शोधावा लागेल.

चीनच्या लष्कराचा अमेरिकेला इशारा
दुसरीकडे, नॅन्सी पेलोसी यांच्या तैवान भेटीवरून भडकलेल्या चीनच्या लष्कराने अमेरिकेला इशारा दिला आहे. आम्ही अमेरिकेट्या कोणत्याही चिथावणीला तोंड देण्यासाठी तयार आहोत आणि आमच्या प्रादेशिक अखंडतेचे रक्षण करण्यास सक्षम आहोत, असा इशारा दिला आहे. ही आमची दुर्भावनापूर्ण तैवानच्या प्रवाशांसाठी चेतावणी आहे. किंबहुना, चीन तैवानला आपला भाग मानतो, त्यामुळे तैवानच्या इतर कोणत्याही देशाशी जवळीक साधण्यासही त्याचा विरोध आहे.

काय आहे चीन आणि तैवान वाद?

या दोन देशांमधील वाद खूप जुना आहे. 1949 पासून कम्युनिस्ट पक्षाचे दोन्ही भाग स्वतःला एकच देश मानतात. चीन अजूनही तैवानला आपला भाग मानतो, तर तैवान स्वतंत्र देश असल्याचे सांगतो. या देशांमधील वाद दुसऱ्या महायुद्धानंतर सुरू झाला. 1940 मध्ये माओ झेडोंग यांच्या नेतृत्वाखालील कम्युनिस्ट पक्षाने कुओमिंतांग पक्षाचा पराभव केला. त्यानंतर कुओमिंतांगचे लोक तैवानमध्ये स्थायिक झाले.