डेली नयी खबर आणि मेट्रो न्यूज टीव्ही चॅनलसाठी काम करणाऱ्या झीनतचं 19 ऑगस्ट 2015 रोजी अपहरण झालं होतं. लाहोरमधील गजबजलेल्या भागात झीनत राहायची. घरुन रिक्षाने ऑफिसला जाताना अज्ञात इसमांनी तिचं अपहरण केलं होतं.
पाकिस्तान-अफगाणिस्तानच्या सीमेवरुन गुरुवारी रात्री तिची सुटका करण्यात आली. शुक्रवारी झीनतची तिच्या कुटुंबीयांशी भेट घालून देण्यात आली. बलुचिस्तान आणि खैबर-पख्तुनवा प्रांतातील आदिवासींनी तिच्या सुटकेत महत्त्वाची भूमिका बजावली.
हमीद अन्सारी हा भारतीय इंजिनिअर नोव्हेंबर 2012 मध्ये बेपत्ता झाला होता. त्याच्या केसवर झीनत काम करत होती. याच कारणामुळे तिचं अपहरण झाल्याचा संशय होता.