Washim News : वाशिम : एका धक्कादायक घटनेनं संपूर्ण शहराची झोप उडाली आहे. वाशिममधील बाजारातील महात्मा फुले संकुलामध्ये पहिल्या मजल्यावर गेलेला वळू एका इमारतीच्या पहिल्या मजल्यावरुन खाली कोसळला. या धक्कादायक घटनेचं सीसीटीव्ही फुटेज समोर आलं आहे. वळू इमारतीच्या पहिल्या मजल्यावरुन थेट भाजी विक्रेत्याच्या दुकानावर खाली कोसळला, सुदैवानं कोणालाही दुखापत झालेली नाही. दरम्यान, या घटनेचं सीसीटीव्ही फुटेज सध्या सोशल मीडियावर व्हायरल होत आहे.
वाशिमच्या (Washim News) रविवार बाजारातील महात्मा फुले संकुलामध्ये पहिल्या मजल्यावर गेलेला वळू कठडे नसलेल्या गॅलरीतून खाली पडला. सुदैवाने कोणालाही दुखापत नाही.
वाशिमच्या रविवार बाजारातील महात्मा फुले संकुलामध्ये शुक्रवारी दुपारच्या सुमारास एक वेगळा प्रकार पहावयास मिळाला. बाजाराच्या आसपासच्या परिसरात मोकाट फिरणारा वळू बाजारातील भाजी मंडईत उघड्या असलेल्या पायऱ्यांवरून पहिल्या माळ्यावर गेला. ज्या इमारतीत वळू शिरला होता, त्या गॅलरीला कठडे नव्हते. तो गॅलरीतून अचानक खाली कोसळला. गॅलरीच्या खालीच एका भाजी विक्रेत्याचं दुकान होतं. त्या दुकानावर वळू कोसळल्यामुळे एकच गोंधळ झाला.
एरव्ही अवैध धंद्यांमुळे चर्चेत असलेलं महात्मा फुले संकुल काल (शुक्रवारी) वळू गॅलरीतून कोसळल्यामुळे भलतंच चर्चेत होतं. हे सीसीटीव्ही फुटेज सोशल मीडियावर वेगानं व्हायरल होत आहे.
वाशिमच्या रविवार बाजारातील महात्मा फुले संकुलामध्ये काल दुपारच्या सुमारास एक वेगळा प्रकार पहावयास मिळाला. मोकाट वळू बाजारातील भाजी मंडईत उघड्या असलेल्या पायऱ्यांवरून पहिल्या माळ्यावर गेला. मात्र, कठडे नसलेल्या गॅलरीतून अचानक खाली रस्त्यावर असणाऱ्या दुकाना समोरील गल्लीत अचानक कोसळला. त्यामुळे काही काळ भाजी विक्रेत्यांमध्ये धावपळ उडाली. मात्र , एकूणच नेहमी घाणीचं साम्राज्य, अवैध धंद्यांमुळे चर्चेत असलेलं हे महात्मा फुले संकुल शुक्रवारी मात्र वळूच्या गच्चीवरून कोसळलेल्या वळुमुळे चर्चेत होतं.
पाहा व्हिडीओ : Washim Market CCTV : पहिल्या मजल्यावरुन वळू दुकानात पडला, दोघे थोडक्यात बचावले